咪睇嘉嘉外表斯斯文文，原來佢都好活潑同好動架！平時除咗鍾意彈琴，仲係學校泳隊嘅成員，雖然佢猛話自己游得好慢，不過今年英華可以喺學界D1護級成功，嘉嘉都有份出力架！

其實半山有兩間女校夏天都係着旗袍嘅，除咗英華，仲有聖士提反，嘉嘉話，因為聖士提反冇規定學生返學要紮辮，所以睇落英華女生可能會”輸蝕少少”！佢覺得英華嘅女仔有外在美，又有內在美，絕對唔係「扒房」啦！(嗯？咁究竟「半山扒房」呢個名係點嚟嘅呢？)

呢輯相啲衫都係嘉嘉私伙架！最估唔到原來佢平時係鍾意着褲多過着裙啦！好多條裙都係我哋迫佢着架！

睇嘉嘉個facebook同instagram，就知佢平時都好like自拍啦，所以港女絕技「自拍10式」佢都好熟手架！不過唔係好夠位，將就啲，睇住4式先啦！

想睇多啲?睇埋片啦!

冇話要讀名校至可以係「學界男女神」嘅!

只要你係中學生，你又認為自己或者身邊嘅同學仔有呢個資格，都可以自薦或推薦俾我哋!

參加方法好簡單，只要將參加者嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋，就ok架喇!

「學界男女神」，等緊你嚟挑戰!

撰文: Joanne

攝影: Paul Choi

攝錄及剪接: 豪

Hair:Wilson@KINGS Makeup

Makeup: King Yip@KINGS Makeup

鳴謝: HOWE Cafe 提供場地