10 大 經典卡通 家長兒時回憶

今次小編搵嚟十套大家最有代表性兼最有共嗚的經典卡通，唔知大家有冇印象呢？仲記唔記得卡通人物名？定還是，你係睇另一套呢？

1《飛天少女豬事丁》

一哼起首主題曲「粉紅，粉紅，趣緻的臉……」，大家都會立即諗起呢套卡通，女主角個變身器收埋係化妝盒入面，一戴個豬鼻上去，就由靚女變成豬事丁！

2《外星毛查查》

講「毛查查」未必個個識，但一講古巨基唱主題曲嘅又會唔會有印象呢？ 「為何矇查查，誰時時矇查查……」，大家有冇發現，呢套卡通啲公仔好熟口面？其實係出自多啦A夢作家藤子·F·不二雄的手筆！

3《櫻桃小丸子》

又係另一主題曲唱到耳熟能詳的卡通片，「問題天天都多，beli bala beli bala…」，大家應該唔會陌生。呢套卡通fans極多，主角小丸子至今仍然好受歡迎，本地唔少商場都會以佢做主題大搞展覽呢！除咗主角一家外，你仲記得幾多個同學仔嘅呢？

閱讀更多

※如欲率先接收資訊，請讚好我們的FB專頁：https://www.facebook.com/SundayKiss/，並於「已讚好/Liked」選單設定「搶先看/See First」，多謝支持。

延伸閱讀
小工具自製卡通大餐
踢走梳乎蛋！新卡通餐廳進駐APM一田
下頁：經典卡通

4《忍者亂大郎》

紅足多年的卡通，早幾年連電影版都出埋！三位主角亂大郎、小丸及新丁，當中三位各有特色，近視的亂大郎、貪錢的小丸及鼻涕長流的新丁。忍者校園生活多姿多彩，集集都有好笑位，而且老師及校長角色又搞笑，大家仲記唔記得成日扮女人嗰位老師叫咩名呢？仲記唔記得獨孤城城主，佢會笑到反肚起唔返身！

5《亂馬1/2》

亞視當年都有唔少好睇卡通卡，呢套亂馬1/2絕對係代表之作，係日本有名漫畫家高橋留美子最有影響力的作品，內容新穎，絕對能排到最好笑動漫的前三位！主角因而遇到冷水就會變成女孩，遇到熱水又會恢復成男孩；而主角爸爸卻會變成熊貓，這些經典情節，都叫大家印象深刻！

6《美少女戰士》

當年風靡萬千少女的水手裝美少女戰士，主題曲經典到不得了，由周慧敏、王馨平及湯寶如主唱，「美少女轉身變，已變成戰士……」相信當年個個小朋都識唱。五位主角代表唔同星球，而且都各有特色，但偏偏全部小妹妹都話自己係月野兔！當年電視一出現變身情節，睇緊嘅小朋友都會個個一齊跟住主角轉轉轉，變完身之後個手姿，那句「儆惡懲奸」你仲記得嗎？

7《蠟筆小新》

《蠟筆小新》同時又集齊窩心、溫情、搞笑、裸體及不文情節，如小新經常講有味笑話，但又會有愛錫家人的溫馨故事，但當年仍有不少家長話教壞小朋友而唔俾睇！雖然好大爭議，但卻無阻大家對小新的愛戴，時至今日，不論再睇返卡通卡還是劇場版電影，都一樣咁好笑！

閱讀更多

※如欲率先接收資訊，請讚好我們的FB專頁：https://www.facebook.com/SundayKiss/，並於「已讚好/Liked」選單設定「搶先看/See First」，多謝支持。

延伸閱讀
小工具自製卡通大餐
踢走梳乎蛋！新卡通餐廳進駐APM一田
下頁：經典卡通

8《娛樂金魚眼》

當年睇完呢套卡通，令小朋友向家長讓著想要養金魚，形成一股風潮！教事帶點少女漫畫味道之餘亦有些搞笑情節，情節就完全唔合邏輯，主角會同動物一齊過校園生活，金魚亦可以係天空飛，不過唔好理咁多，細細個仍然覺得好睇！

9《魔神英雄傳》

一句「機會嚟啦，飛雲！」必定勾起大家對呢套卡通嘅回憶！由現實世界走入魔界，拍住肥佬師傅及龍神號作戰，每集打贏奸角後關斬將遂層向魔神世界進發，睇到唔少小朋友津津有味。最好印象除咗上面金句之外，同埋出絕招前的一句︰「登！龍！劍！」！

10《伙頭智多星》

當年首主題曲由黃凱芹主唱，講主角「味吉陽一」本來係個愛下廚少年，反來廚功了得聲名大噪，後來經食界王者味王大人一嘗廚藝後，邀請他進入「味皇料理會」，並遇上更多強勁的對手，面對各種挑戰。大家當年睇完後，有冇一刻覺得入廚好有型？小編曾入廚房叫媽媽教煮餸，結果………梗係食檸檬。

撰文︰Pan