City Goddess – 黃可盈

我哋問Flavia，究竟有咩方法吸引到咁多人follow佢。佢隨即大笑，擰頭話唔知，跟住突然話：「其實我係淘寶淘番嚟架！哈哈~~~」

Flavia中小學都係讀灣仔嘅嘉諾撤聖方濟各書院，係一間好傳統同保守嘅女校，對學生嘅管教都幾嚴。好似聖誕好多齋校都會搞聯校X’mas Ball，不過佢哋學校就咁多年都唔批准，原因係X’mas Ball同期中考試好近，怕影響成績，所以當時Flavia就只係可以羨慕其他女校喇。

雖然喺間咁保守嘅女校出身，不過睇Flavia嘅性格同應對，斯文得嚟都好爽好直，講嘢一句就一句，絕對唔會扭扭擰擰，矯柔造作。

Flavia而家喺City讀緊Asso，其實佢考DSE都冇失手，都過到入U門檻(33223)，只係唔夠人高分，不過佢好有信心，出年可以喺City直升degree！

好多大專生都會做吓兼職嘅，Flavia都唔例外，而家喺親戚間餐廳度幫手做waitress。佢話好多朋友聽到佢做waitress都好意外，覺得佢唔需要做啲咁勞動性嘅工作，不過Flavia就覺得冇咩所謂，仲話：「都係體驗嚟啫！」

影相嗰陣，兩個攝影師、記者、化妝師同髮型師都不停拗緊一個問題，究竟Flavia個樣，係似高海寧丫？陳法拉丫？定係黃美琪呢？睇埋片啦！你話番俾我哋聽丫嗱！

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: Clay Lam

攝錄: Anthony

剪接: Candy

Hair:Willson@KINGS Makeup

Makeup: Wasabi@KINGS Makeup

鳴謝:EMOH Design (提供場地)

及

贊助獎品