Poly短髮正妹 – 楊晴心

Natasha話自細都俾人話似好多人，講得最多就係Stephy，不過佢就覺得自己對眼細好多，只係驟眼睇有啲似啫！佢比較在意，反而係俾人以為佢整容，因為佢中學嗰陣係個130磅嘅肥妹，之後決心減到107磅，有朋友一見到佢，就問佢係咪整過容？ 削過骨？ 咁答案就當然唔係啦！

中學畢業之後，Natasha就一直半工半讀，唔係因為屋企冇能力供佢讀書，佢鍾意返工其實都係為興趣。曾經喺機場做過sales同guest service，好開心可以識到好多嚟自唔同國家嘅人。而家佢喺一間PR公司度做，可以話係最辛苦既一份工，因為成日要趕deadline，但係可以接觸到唔同嘅嘢，見到自己寫嘅新聞稿出街，或者完成一個event，都會好有成功感。

以前Natasha係踢都唔郁架，但係而家身材都幾fit架! 自從開始減肥之後，佢就kepp住每晚都會做運動，慢慢都變成咗習慣，冬天會去跑步，但因為出汗會令皮膚敏感，所以夏天就會喺屋企跳吓「鄭多燕」， 一路聽歌一路做 ，放鬆吓，壓力都冇咁大。

以個性嚟講，Natasha好獨立，唔鍾意依賴人，既唔溫柔體貼，又唔識煮嘢食，亦都唔鍾意小朋友，所以佢話佢自己唔會係一個好老婆！

今年已經係Natasha喺大學嘅last year，不過佢話畢業之後唔會急住搵工，仲梗係去轉歐遊先喎！因為怕第時正式返工，就好難有長假可以周圍去，所以幾大都玩咗先啦！

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: Paul Choi

拍攝: Anthony Leong

剪接: Candy

Hair:Winnie@KINGS Makeup

Makeup: King @KINGS Makeup

提供場地: Synergy BizGroup(型宿 – 紅磡差館里青年宿舍) – 9138 5955

鳴謝:

及

贊助獎品

※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。