兒童睇電視要守規矩

有兒童專家指出，電視嘅高頻光線及高速轉換嘅圖像，或會影響兒童嘅專注力， 所以專業嘅教學 DVD 會以低轉換嘅畫面，穩定恒常嘅速度畀 BB 適應，但都唔應該常看及一直重複。
(P.S. 通常大人睇幼教嘅 DVD 會覺得好悶，原來就係呢個原因。)

有人屋企開著電視，只不過想有啲「人氣」，基本上大人同小朋友都唔係睇，小朋友自己走來走去，電視自己照常開著。

好多工人姐姐都開電視，以為電視可以幫手暫時「照顧」小朋友，BB 眼定定、乖乖坐定定，好過走來走去咁危險。

有啲 BB 好鍾意睇電視廣告，動感嘅音樂同多變畫面，BB 都會被吸引住。

廣告成日話 BB 可以透過電視教育節目或 DVD 學到更多生字，更懂說話。

本人覺得咁樣一啲都唔環保，父母應以身作則珍惜電源。要注意嘅係，當電視機開著，其側面同背面兩個位置，會釋放大量輻射，威脅寶寶健康。

同大家分享我搵到嘅資訊：

有專家認為，電視的色彩和強光，會令小朋友眼定定地注視熒光幕，導致眼球肌肉得不到充分的活動，令眼球轉動得不靈活，更會影響日後閱讀的速度。專家同時指出嬰幼兒需要跟父母（而非和電視機）多互動。這種面對面的交流，對於孩子大腦的健康發育、社交、情緒和智力上的發展都十分重要。

專家並不建議給 0-3 歲的寶寶看電視廣告。廣告畫面不停在變化，之間並沒有一個穩定的和連續的情節，並不能鍛鍊寶寶的邏輯思維以及建立其對物體「恒常性」的認知。更有美國兒童專家指出，電視的高頻光線及高速轉換的圖像，或會影響兒童的專注力。

孩子專注於電視自然會缺乏與家長的溝通，令他們無法從大人身上學得辭彙。有研究發現，在成人在正常情況照顧下，幼兒平均每小時會說出 941 個單字；然而若在此時打開電視，在相同的時間裡所說的單字數目便會大幅下降到只有 140 多字。

睇電視要守規矩

• 澳洲政府委託墨爾本皇家兒童醫院建議，2 歲到 5 歲的幼兒每天花在靜態活動上的時間不應超過 1 小時，靜態活動包括看電視、閱讀、畫畫或猜謎等。幼兒從 1 歲起，每天至少要有 3 小時的動態活動。

• 有專家建議要為寶寶看電視選好時間點，並控制時間段。最好不要給1歲以下的寶寶看電視；而 1-3 歲的寶寶儘量少看電視，每天最多 2 次，每次看電視的時間應少於 15 分鐘。

• 要把電視對BB視力的傷害降低到最低，BB與電視機的距離長度應保持在電視機對角線的 5-6 倍。

• 電視機熒光屏的中心位置應略低於BB的視線或與其視線等高。父母可以把寶寶抱在胸前，和寶寶一起以平視的角度來看電視。

• 看電視時的音量宜控制在 55 分貝以下，父母要確保電視音量是否柔和舒適，以免傷害BB聽覺。

• 不要關燈看電視，否則螢光幕的亮度和周圍的黑暗強弱反差太大，容易損害寶寶眼睛。最好在室內安裝一個 8 watt 左右的電燈，以對應電視螢幕的亮度。

• 專家認為父母仍可讓幼兒看一些高質素的電視節目，但記緊時間不要太長，並要一邊看一邊跟 BB 互動。

好多人想 BB 乖乖食飯唔好走來走去，電視贏咗。

工人姐姐唔想小朋友成日煩住佢，電視贏咗。

科技發達，以前小朋友落街走下玩下又一日，現今小朋友電視 iPad 陪一日。

現今有電話唔使成日見面，有 WhatsApp 唔使打電話！人與人之間嘅關係就越嚟越遠，所以到而家我有 9 成都仲係打電話！