【三天限定放電】初夏海洋玩樂園 – 黃埔新天地

今次依個初夏海洋玩樂園就有三個大嘅玩樂區，佢嘅佈置都係以海洋為主，等小朋友可以扮係海洋世界之放電呀！
三個玩樂區中，小小豬就最鐘意依個【漁樂無窮釣魚樂】~

其實唔止小小豬，就連我見到依個大型釣魚我好想釣埋一份。全部有60條小魚，每條都有14cm，絕對係放大版，我都忍唔住玩左一轉呀…哈哈哈~

到正式公開玩嘅時候，係指定時間內釣到指定數量魚仔，仲可以獲得精美禮品添~

最啱小朋友放電就一定係依個【浪花四濺滾滾球】~

其實之前係WE嘩我同小小豬都玩過，不過當時就係水上面，今次就係陸地上玩。小小豬話係陸地上玩係嚟得容易，佢一次過可以走十轉呀~

不過好明顯佢係越碌越慢，因為要自己玩依個滾球都幾吃力，不過小小豬話一啲都唔攰哦~

最後一個亦都係玩得最耐嘅【巨輪滑梯波波池】~

點解玩最耐，因為小小豬一瀡滑梯落到波波池之後，佢就不知幾興奮咁係波波池碌嚟碌去~

不過藍白色嘅波波池又真係幾靚，如果可以嘅話我都想落埋去齊齊碌呀~

坦白講，地方雖然唔算好大，不過三個遊戲都各有吸引嘅地方，所以都幾啱小朋友嚟玩，而且只要任何商舖內消費滿$200，就可以玩其中兩項遊戲，去食個午餐或者買幾件衫仔又得，所以如果依三日未諗到去邊度玩，可以考慮下呀！
More Information :
【初夏海洋玩樂園】
日期：5月27日、28日 及 30日
時間：中午12時至下午6時
地點：黃埔新天地時尚坊地庫
身高限制：100厘米至140厘米
參加方法：於黃埔新天地任何商舖消費滿$200，憑即日單一機印發票（KidzClub會員可憑$100之即日單一發票），即可參加「初夏海洋玩樂園」遊戲其中兩項，有機會贏取豐富禮品。名額有限，額滿即止。

BY 小小豬的成長日誌