【 健康早餐 】香橙燕麥乳酪杯

我都係因為上次參加新奇士橙嘅EVENT，係席上跟林德信學整個依個香橙燕麥乳酪杯。嗰日食又覺得原來橙加乳酪個味又幾夾，再加上食左啲燕麥方塊又幾飽肚，所以就同小小豬齊齊整啦！

其實當日都用左幾款唔同材料，不過我地就係屋企自己整，所以就簡單啲，只係用香橙、燕麥方塊同埋低脂乳酪嚟整啦~

第一個步驟就當然係搣橙，為左訓練小小豬嘅手指力，我開左個頭之後就交俾佢接手搣埋下半場，又好似得得地，只係個橙皮唔多靚呀~

接下頁

之後個做法都好簡單，係杯底鋪上一層燕麥方塊，之後加上乳酪，再係上面鋪一層橙肉，再淋乳酪~

然後重覆步驟直至覺得個份量足夠就可以食啦~

之前都有試過俾燕麥方塊加牛奶俾小小豬食，不過佢就唔多肯食(話唔好食哦)。但今次加落左乳酪佢竟然話好味，仲不停咁要添加，原來改變少少就可以有唔同收獲呀~

小小豬仲話非常好食，叫我下次都俾佢整依個早餐，但….佢提意將橙改為藍莓，話佢最鏗意嘅生果係藍莓。

其實…..計我話….係佢怕左搣橙就真，不過小小豬又冇講錯，又真係可以改用其他生果，咁下次就順下佢意買藍莓，等佢食得更加開心啦！

BY 小小豬的成長日誌