【免費學習又浸SPA】 T．PARK 「源‧區」
位於屯門的 T．PARK 係實踐「轉廢為能」污泥處理廠，一個100％自給自足嘅環保園區，可以高溫燃燒方式每日處理高達二千公噸污泥，減少堆填區負荷同時，又可以焚化污泥再變能源，變回電力，完全係達到「轉廢為能」呀！
T．PARK 除左係污泥處理地方之外，亦設有公眾教育及休閒區域，我地可以預約參觀，最重要係完全免費。目的就係希望我地可以了解污泥處理技術的運作和流程，更可體驗由污泥焚化過程中的餘熱來保持恒溫的水療池，放鬆身心同時了解何謂「轉廢為能」~
哈哈…講返今日個活動先。。。。一切就由扮工作人員嘅魔術師開始~
老實講，初時都俾佢呃咗，以為係大會工作人員，因為佢同我哋講解左好多利用污泥發電嘅道理， 又示範左利用污泥可以亮著燈泡， 真係好利害。 雖然最係同我地講佢係魔術師，但其實污泥土加熱後，就會產生成為能量可以發電啦~
續下頁
之後一般小朋友就跟到導賞哥哥去參觀展覽區，了解污泥處理嘅過程~
導賞哥哥好細心咁慢慢逐步逐步向小朋友解釋， 沿途仲有問答小遊戲， 令小朋友都好投入咁佢聽~
之後好導賞哥哥仲帶小朋友去睇下污泥處理嘅儀器，雖然係隔著玻璃，但小朋友都睇到嘩嘩聲~
導賞完畢，我地就隨隊上10樓室內瞭望台，欣賞稔灣路及后海灣靚景。 最重要係大會細心地安排茶點俾小朋友稍事休息，之後可以繼續再去玩。
續下頁
食茶點嘅時候特魔術師又嚟為我地表演啦 ~
之後，大會仲安全我地整一個親子環保手工盤栽，等小朋友可以送俾爸爸做父親節禮物。依位導師係一名視障人士， 但佢都好積極人生，做義工教小朋友做勞作， 真係令我好佩服呀~
利用一些廢紙就可以做到一個靚靚小盤栽~
小小豬都算幾專心，兩父子齊齊落力密密整~
小小豬嘅手作仔，都算唔錯啦~
續下頁
終於嚟到小小豬最期待嘅活動，就係去「源‧泉」浸SPA。SPA係唔需要額外加錢，一共有三個池，分別係中央1.2米深嘅36度大池，另外有兩個0.9米水深嘅水溫16度及26度的細池~
一見到三個SPA池小小豬已經十級興奮啦~
由於小小豬未夠120CM，所以就要由家長陪同，依個重任就當然係交俾佢DADDY啦~
一見SY哥哥嚟，就DADDY都唔要，兩個小朋友係三個池左浸浸右浸浸，都不知幾興奮，非常ENJOY呀~
睇見佢兩父子係SPA中慢步，小小豬又玩得咁開心，早知我就唔好怕醜…..豁出去啦~
浸SPA嘅時間就只有90分鐘，小小豬都真係有點唔夠喉。不過其實今日我地因為時間關係仲有好幾個園區我地未行，好似個天台花園、池塘同埋個戶外足浴池，所以等6月29日正式開放時，我地一定要到時再預約入嚟玩過啦~
其實依家都已經可以開始預約，反應快常之好，仲已經收到過萬人申請。依家主辨單位已經加多一架免費穿梭旅遊巴，所以真係要快快手BOOK呀！
More information :
T‧Park預約申請表格(必須預約): http://tpark.hk/media/tpark_booking-form_individual-organisation.pdf
填妥後需電郵至[email protected] 或 傳真至2430 8011預約，由園方電郵或傳真回覆作實。
地址：屯門曾咀稔灣路
開放時間：(29/6起)，星期一、三至日(10am-7pm）
