【大個仔 畢業 啦】香港公園外影篇

其實最初初我都冇依個打算，不過見學校出左張通告叫我地交錢去幫學生影 畢業 相，依個時候我就開始諗：小小豬平日係冇特別引佢嘅情況下，影相都係目無表情多，到影 畢業 相嗰日都唔會影得靚啦！

就係依個念頭，我就好似”叮”一聲咁諗到，不如買件 畢業 衫自己同佢去影，始終由我自己親自操刀，最知道小小豬係咩環境下係影得最靚同啱我心水嘛！

為左今次影畢業相，我就破戒又去淘寶買左件畢業衫，趁依今日小小豬畢業禮總採排改返上午班嘅時候，放學就去香港公園出發影畢業相。

我地有諗過好多地方係好啱影，不過最後我地係決定嚟香港公園嘅主要原因係…….因為我地係香港公園入面嘅紅棉路婚姻註冊處註冊，所以依個地方對我嚟講都幾有意義，所以我地第一個畢業相外影就嚟依度啦。

放學時都落雨，都有一刻擔心去唔到影相，不過好在天公造美，我地食完午餐之後已經冇落雨，而且仲開始有少少陽光，所以當然即刻GO GO GO啦~

可能小小豬知道畢業係好重要，所以佢非常合作，唔洗點引佢都可以都笑得幾靚仔呀~

香港公園個景又真係唔錯，就係依個茶具博物館前都已經係一個靚位啦~

仲有一個大水池，影出嚟都唔錯呀~

接下頁

我全日至愛嘅位置，就係依個小瀑布，我影完之後好多外籍人仕都跟我影依個位呀~

就嚟奧運，當然要入去依個奧運廣場影個奧運五環啦~

依個小位置係小小豬提意，佢話又有小花又有小水好靚咁話哦，當然係因為佢提意，影得特別開心，笑得好燦爛呢~

最後我地就去睇雀仔之前嘅再影多兩張正經啲嘅~

今日小小豬真係狀態大好，所以絕大部分都係影得好靚，笑得好開心，而我亦都好有滿足感！

原本我都有打算帶埋腳架，不過…放學直去，又要拎衫又要拎書包，仲要得我一個人，所以最後都放棄，有少少美中不足就係冇同小小豬影到合照。

不過唔緊要，既然買左件畢業衫，就即係幾時都可以去影，我為小小豬準備左嘅畢業BEAR BEAR都未出場。有左今次成功嘅經驗，所以嚟緊應該會再去唔同地方影多啲畢業相，到時再影多啲合照/家庭照先得！

BY 小小豬的成長日誌