【媽媽嘆世界】帶埋囝囡去澳門做SPA

好多媽媽朋友都同我講，好懷念未有小朋友之前去旅行有幾 free……

帶埋小朋友去旅行，咩都要以佢哋為先，又要驚走失，又要驚水土不服，搞到冇晒心情睇風景，冇得瘋狂 shopping，冇得食麻辣火鍋……

雖然係咁，不過一家人去旅行，係開心嘅，所以……

識玩，一定係去澳門喜來登金沙城大酒店嘅炫逸水療 (Shine Spa)，做個靚spa.

溫馨提示1: 做好時間管理

畀小朋友盡情放電，令佢哋瞓晏覺，或者夜晚早瞓，媽媽就有時間走箋.

例: 小朋友 8:30pm 瞓，媽媽可以約 9:00pm 做，因為 Shine Spa 收 11:30pm.

或者，

朝早食完早餐後，小朋友參加兒童活動期間，可以 relax 返個零鐘.

因為逢星期二至五係開 11:30am, 逢星期日及一開 10:00am.

無論一朝早，定係夜一夜，媽媽都一定搵到時間輕鬆吓! ^^

溫馨提示2: 溫柔按摩零痛楚

一般坊間嘅按摩師傅都按得好大力，當我大叫好痛嗰陣，按摩師傅就話：　「痛似不痛」，其實我都唔知呢句說話係真定假，只係知道好痛……

而喺 Shine Spa 全程都冇令我感覺到痛楚，但按摩師傅按得好中我啲穴位， 好舒服，所以我好快就瞓著咗……

噉係因為炫逸水療特色係「五行元素」同「身心和諧」.

中國傳統風水五行元素：金、木、水、火、土，令身體達致「陽」同「陰」嘅和諧平衡，為身體注入能量. 喜來登炫逸水療嘅五行水療護理提升體內能量，滿足心靈，潤澤身體真正需要. 佢哋結合咗中西傳統技術同香噴噴嘅優質天然材料，令身心盡情放鬆.

另外，坊間比較用力嘅按摩，好多時做完第２-３日都有做完運動嗰種「冤冤痛」，不過喺 Shine Spa 就唔會， 又唔會覺得點痛，真係純粹 relax，做完之後可以再同囝囡再玩過，再行過!

Shine Spa 環境好靚、好舒服，設有 15 間護理室，其中 5 間係情侶護理室。

不過我下次最想同老公試嘅，唔係情侶護理室，而係戶外水療旅程，客人可以喺翠綠同寧靜嘅池畔小屋，享受個人化嘅五行元素水療護理。完成療程之後，更可以喺泳池游水，同享用池畔提供嘅健康水果及茶點，繼續 hea!

留喺室內都有其他選擇，例如我好鍾意嘅焗桑拿，因為熱力令身體出汗，排走毒素，同時令皮下血管擴張、血液運行，加快新陳代謝! ^^

Shine Spa 隔離有個地方幫小朋友剪頭髮，家長可以趁小朋友剪頭髮嘅時候 relax 吓, 之後一家人都靚晒! 哈哈!

炫逸水療而家有港澳居民及會員優惠，把握機會喇! ^^

FB: KeicyKK