【家長好幫手】Jumpy Plus 兒童智能手錶

不過……老公話其實最啱我用，因為內有定位追蹤，小小豬唔係我視線範圍，我都唔洗喊驚咁搵仔！
認真的，我係一名驚青媽媽，當外出時小小豬唔係我視線範圍，我真係會喊驚咁搵仔，所以老公都真係冇形容錯我。因為曾經試過一次係小小豬大約四歲時，我地係迪士尼嘅玩水區玩緊，小小豬係我嘅視線範圍消失左五分鐘，雖然都只係好短暫時間，不過嗰一下個心真係離一離，堅勁驚呀(原來懶醒嘅小小豬走左去火箭背後避水)。
雖然依家小小豬都已經係六歲仔，都應該好多嘢都識，我地都有教佢小心防預陌生人，但驚恐症的我都係仍然好驚佢會突然係我面前消失，所以去玩我都一定要佢係我視線範圍。你知啦….依家成日都會有拐帶新閒出現，當中可能係有真有假，不過作為媽媽嘅都真係好擔心嘛！

其實之前都有朋友教我買隻兒童智能手錶，不過我總係覺得兒童智能手錶係玩具嘅一種，所以都冇去研究。不過經過今次試用體驗，原來Jumpy Plus 兒童智能手錶唔止可以玩，最重要係有GPS定位同埋3G通話功能添~

打開包裝見到Jumpy Plus 兒童智能手錶、USB充電線同埋詳細說明書~

小小豬一見到手錶就已經極度興奮，因為時間觀念極重嘅佢，睇手錶絕對係佢最開心嘅事~

未知有更多嘢玩就已經好興奮，當小小豬知道好玩繼續嚟嘅時候，仲唔係開心到一個頂點~

其實Jumpy Plus兒童智能手錶功能都真係好多，好多都係可以啱家長同小朋友一齊用呀~

坊間都有好同類型產品，不過Jumpy Plus就得到美國ASTM認證及歐盟安全玩具標準，所以都好安心俾小朋友用呀~

使用前家庭就可以係智能電話上安裝JUMPY+依個app，放心Google Play同埋iTune Store都一樣可以下載~

安裝好之後就可以分別係手機同埋兒童智能手錶做設定，如果好似我咁對設定係零認識，咁就可以睇住app內嘅中文版操作教學，咁就變得好易處理啦~

當連接好手機與兒童智能手錶時，凡手錶有異樣都會顯示係手機上，就好似手錶冇電，系統都會預先通知家長，提示要為小朋友充電，咁就唔洗擔心外出時冇電量，失去戶外使用功能啦~

小小豬除左鐘意睇手錶之外，打電話功能就係佢用得最多，因為佢想擁有自己電話好耐，佢話可以一掛住我地時就打俾我地呀~

當然唔係只用作傾電話簡單事，小小豬有事時都會第一時間打俾我地。就好似上次入迪士尼，佢自己去完洗手間之後出嚟唔見左我，佢都會即刻打搵我呀(哈哈哈…我係專登收埋自己測試佢的嘅)~

通話功能仲可以加入安全名單，即係家長可以設定指定嘅聯絡人名單，只可以名單內嘅人任打出及打入，咁就可以避免小朋友接到不明來歷嘅電話，或者小朋友亂打電話啦。而且家長手機app內仲可以有通話紀錄，咁就可以知道小朋友打過俾邊個啦~

除左通話之外，小朋友仲可以同家長send message，好似whatsapp咁同小朋友send短訊、公仔圖案或者voice message都可以呀~

係通訊方面，我個人覺得有一個幾有趣嘅功能，就係依個關懷聽~

關懷聽就即係家長可以透過手機聽到小朋友手錶即時做緊乜，當然小朋友手錶係完全唔會有任何通知。依個功能我地都唔會特別用，始終小朋友都有佢地嘅私隱，不過作為家長嘅我地間中都會有好奇心，當小小豬係公園同朋友仔傾得好開心時，都好想知道佢地傾緊乜嘛！
不過我就功能地試過用一次，因為嗰次小小豬係公園玩到連電話都唔聽，望又搵唔到佢，所以我就開左依個功能，聽下佢做緊乜。原來佢同其他小朋友係一個躲貓貓，我就係咁搵返小小豬啦~

安全性能方面，我覺得依個SOS緊急求救鈕 真係唔錯，小朋友遇到意外時，長按右面按製約4秒，就可以啟動SOS求救模式~

系統就會自動打電話俾第一個聯絡人，如果係指定時間都冇人接聽，系統就會打俾第二個聯絡人，到最後就會打999報警啦~

同一時間家長手機都會有訊息顯示SOS提示呀~

另一個我覺得幾得意就係依個智能行事曆~

我地可以同小朋友齊齊計劃一日嘅行程，設定好晒之後，到左指定時間手錶就會有提示，可以去做指定動作。依個提示對一向唔多鐘意飲水嘅小小豬幫助都幾大，因為一聽到手錶提示，佢就會自動自覺記得去飲水，依方面我都真係勞氣少左好多呀~

小小豬就最鐘意依個計步器功能，因為佢可以睇住自己每日可以行幾多步，仲話多做運動身體好哦！平日又唔見佢話要做運動，依家就係屋企都不停行行行，目的咪就係計步數….哈哈哈~

話明係協助看管小朋友，所以定位追蹤就係最重要一環，智能手錶內利用左GPS、Wifi、G-sensor同埋基地台四個定位技術，所以GPS定位係非常準確呀~

有左定位系統就可以為小朋友設定安全區域，我地家長可以手機app自由設定屋企、學校、興趣班或者戶外玩樂場地為中心，而且仲可以set距離100至500公尺)範圍~

只要小朋友超越預設好嘅安全範圍，手機就會即時通知家長，咁就可以知道小朋友嘅行程~

平日小小豬返學放學都有我依位專員負責接送，加上我地都覺得學校都係一個安全地方，所以返學我就冇俾小小豬用(同埋…學校都唔建議帶智能產品)，不過我就覺得超適合用嚟戶外活動或者係去上興趣班用，因為可以睇住唔好俾小朋友超越預設範圍，咁就真係玩都玩得安心啦！
當然除左做監控之外，其實Jumpy Plus都有好多嘢啱小朋友玩，就好似依個類似”他媽哥池”嘅小遊戲，小小豬就最鐘意，等車嘅時候就會養小狗或者同小狗玩呀~

另外仲可以有歌仔聽建議仲有，唔止迪士尼音樂，都有好多唔同類型呀~

當然唔少得英文故事，佢嘅種類都好多，估唔到有小小豬至愛嘅peppa，佢一見到就開心都傻左呀~

仲有英文生字學添~

另外都仲有天氣預告然唔少得，小小豬每日都要睇一睇，因為一好天佢就會捉我出去玩，出街玩就可以戴手錶嘛~

家長手機app內仲可以睇下一星期小朋友用兒童智能手錶情況，可以知道小朋友有冇過份沈迷某一項目~

其實我一向都好少俾小小豬接觸智能產品，不過隨著學校都開始教，加上智能產品又真係有佢嘅實際用途，所以我都開始放寬，只要唔過分沈迷，我地家長又做好控制，用得其所都係一件美事。

依家小小豬一出街就會載住Jumpy Plus，佢有事時就可以打俾我地，玩嘅時候又預設好活動範圍，咁小小豬去玩時我都可以放心啲，喊驚咁搵仔情況都即前刻冇晒啦！

More Information :
Jumpy Plus 套裝價 $1,888 (Jumpy Plus一隻及12個月流動數據及語音服務)
-每月本地數據用量 : 200MB(期後收費: $28/200mb)

-每月本地話音通話服務: 1,200分鐘 (期後收費: $0.8/分鐘)
-以上12個月流動數據服務，不包括任何增值服務 /IDD/ 其他服務。
-本地數據傳輸速度最高為每秒384kb
-首12個月服務期內豁免每月$18港鐵/ 隧道/ 流動電話牌照/ 行政費，12個月流動數據服務完結後，會繼續提供200MB數據及1200分鐘話音流動服務， 屆時將收取$98正價月費。

* 需於Jumpy Plus上放置SIM卡才能使用行蹤提示功能*

BY 小小豬的成長日誌