【 東京親子遊 。讀賣樂園 YOMIURILAND】
野人話「呢度好玩過迪士尼」 XD
因為多嘢玩得嚟，仲有樣好處，唔使好似迪士尼排隊排到咁癲!!!!
喺”京王よみうりランド駅”落車之後，仲要搭程纜車
幾好丫，小朋友通常都愛搭纜車 🙂
讀賣樂園除咗有機動遊戲玩之外，仲有玩水區
其實就好似以前”海洋公園”咁囉~~~點解香港宜家冇哂呢D咁好玩嘅「2合1」樂園?!?!?!
其實由天光玩到休園都玩唔哂！
一定一定一定要玩呢個限時120秒嘅砌車遊戲！
砌完架車，小朋友可以做司機 載父母去兜番轉車！好好玩呀！
杯麵呢個遊戲，真係會全濕！
唔想咁濕但又想玩？無問題！入到去，臨玩前，有個職員會問你買唔買件100yen嘅雨衣
因為我冇帶衫俾野人換，梗係買件雨衣擋擋啦 XD
點知兩隻嘢坐完個杯麵都係少少濕後，見到玩水戰又玩埋一份，最後都係全濕!!!!!!
坐完個杯麵，真係可以整番個麵留念
同整合味道杯麵嘅模式一模一樣
都係先畫個杯，然後揀杯麵配料，最後封埋個杯麵，入落個吹漲保護膠袋拎走，搞掂!!
樂園入面有一棟Building
地下嗰層就有呢個「全天候室內Playroom」 ，一樓就有間親子餐廳
呢間Playroom，齋睇相就已經覺得好玩啦
我目測過地方好大、好舒適
但實在唔夠時間玩唔到 (唔識日文下，估計買樂園飛之外，仲要另外收費 😛 )
親子餐廳 (All-you-can-eat模式食90分鐘)
唔夠時間食/玩，可以額外俾錢「加鐘」
食物種類唔多，有好多款PIZZA呀~~PASTA呀~~炸雞呀~~薯條呀~~雪糕呀~~
應該都好夠滿足到小朋友嘅食慾 🙂
樂園有One-day-pass買
基本上95%嘅遊樂設施都玩到，得好少部分遊戲要另外收費
如果唔買One-day-pass，都可以選擇逐樣嘢俾錢玩
但如果可以由朝玩到晚，當然One-day-pass最抵玩啦!!
(因為我住新宿站 😛 ) 新宿站出發，可參考呢條路線去讀賣樂園
