【椰菜花薄餅】

唔係高脂芝士，就係肥豬肉，好多隱形脂肪，實在不宜比咁多小朋友食。

但pizza的外形又的確可以吸引小朋友，所以我決定將薄餅變身，變成好味又健康的一餐。

同時又可以令到唔食蔬菜的小朋友，唔覺唔覺又食咗好多有益纖維落肚，一舉幾得啊^_^

【椰菜花薄餅】適合18個月或以上小朋友食用
材料：
椰菜花・・・1/3個
麵粉・・・・約1杯
雞肉粒、綠甜椒粒、車打芝士碎・・・・適量
茄汁・・・・1-2湯匙

做法：
1）椰菜花烚熟，盛起，瀝乾，放入攪拌機內攪碎。
2）椰菜花和適量麵粉拌勻至挺身，可加入少許鹽調味。
3）將椰菜花蓉壓成薄餅形，放入鑊內以少許油煎至金黃色，然後放上已鋪錫紙的焗盤上，塗上適量茄汁，備用。
4）雞肉粒和甜椒粒，放入鑊內炒熟，盛起放於椰菜花薄餅上。
5）鋪上芝士碎，將薄餅放入已預熱190c度焗爐內焗至芝士溶化，完成。