【自己 公仔 自己畫】獨一無二嘅好友

首先要多謝Soft Friends團隊為小小豬製造依一個驚喜，應該話唔止小小豬，就連我都好感到好驚訝，因為成份禮物包都真係好有心思。
不過…..回想起，其實當初收到電郵邀請時，我都猶豫左好耐，因為小小豬本身係一個零藝術天份嘅小朋友，到依家一年級佢嘅畫功都仍然係非常…非常…..非常幼嫩，叫佢畫一個 公仔 簡直好似叫佢去行刑咁，所以我都唔知交唔交畫好。
原本係婉拒負責人，不過負責人話唔一定要新畫，就算係小朋友舊有作品都一樣可以，最重要就係小朋友自己嘅創作。
就係因為負責人依一番話，我就搵下小小豬嘅舊作，突然係書枱上見到上次我地去挪亞方舟聽完故事《你很特別》後畫出自己心目中嘅人像匙扣，我覺得又幾有意思，一嚟依個圖像係小小豬自己所畫(我完全冇幫佢呀)，二嚟做一個佢自己創作嘅朋友陪佢，感覺又好有意思，就好似一個小鼓勵，等佢可以對藝術有多丁丁興趣~

其實SoftFriends佢地係唔會主動做任何美化工作，會按照圖畫來製作 公仔 ，目的就是想保留小朋友嗰一份原創感。但…..幅圖嘅公仔個嘴巴同心心都塗到出晒界，做一個 公仔 會成日見，我真係有啲…….所以就請佢地幫忙修改一下。其實負責人都唔太想有依個更改，不過最後我俾我說服到…哈哈哈！(請原諒我的懶完美感)
終於等左兩星期，小小豬嘅新朋友就送到嚟啦。由於我事前都完全冇同小小豬提及過，所以當佢一打開個盒時，佢都不知幾驚喜呀~

佢一見到個新朋友，就即刻係書枱拎個匙扣嚟睇，仲問我點解係一樣呀~

當然啦，佢地每一個 公仔 都是按比例一針一線由人手製作，而且所選用嘅布料質地都好柔軟，所以抱上手都好順滑，軟棉棉咁小小豬已經好鐘意啦~

由於係全人手製作，所以之後都要依指示小心保護呀~

依家新好朋友就成為陪瞓專員(YEAH…..我可以甩難啦…哈哈哈)~

收到個像真度達95%嘅 公仔 都已經係好驚喜，但原來仲未完，因為仲有一個小驚喜，就係依個小卡~

卡嘅背後除左有小介紹之外，仲有一個QR CODE~

SCAN完之後就彈左一幅圖片，我睇見真係尖叫左出嚟，因為真係超可愛，小小豬嘅卡通圖同埋新朋友一齊玩，小小豬個樣同 公仔 又非常夾(仲要俾佢地搵到一張小小豬難得笑得燦爛嘅相，佢地嗰一份心思同誠意，絕對令我好感動呀~

仲有送來一份 『海星的文具』 環保紙顏色筆，既可以鼓勵小朋友畫畫興趣(依點對小小豬非常重要…哈哈哈)，及可以支持殘疾人士自力更生，真係要讚一讚佢地那一份心意呀~

如果要整小小豬依個 公仔 大約需要$550，聽落又好似有點點貴，不過就連老公都話值得，因為可以將小朋友畫作造成獨一無二的 公仔 ，單係那份心意都比一般毛 公仔 更珍貴(其實坊間買個正版 公仔 都差唔多，依家可以有小朋友自己創作公仔添)。
除左我同小小豬都好鐘意之外，老公對今次依個獨一無二嘅好友都非常滿意，佢仲話等下次小小豬再創作一個可愛又靚嘅公仔時，佢就會再訂造一隻，希望可以鼓勵小小豬努力練習畫畫，同時又可以用嚟記錄小小豬嘅畫功進步成果啦！

SoftFriends Facebook：https://www.facebook.com/MySoftFriends/

BY 小小豬的成長日誌