【親子好去處】太古 麥當勞玩具樂園 Toy Museum @太古城 City Plaza

我由太古城中心一期入去商場，喺門口已經見到好多玩具樂園嘅籏仔

原來一入到嚟即戲院隔離已經有間開心樂園餐屋仔，裡面全部放咗麥當勞Hello Kitty系列嘅公仔玩具

唔知大家儲咗幾多隻呢？連我自己都換過幾隻，相信每個香港人都曾經換過

落咗兩層之後見到全新麥當勞太古店開張！大家仲記得好耐以前嘅麥當勞係咩裝修嗎？

玩具樂園經已開幕！快D落去集體回憶吓先

位於一期廣場有對超大嘅麥當勞叔叔鞋！同埋隔離有部大投影機

原來佢個名堂係「麥當勞人物變身器」只要你企喺投影機前，投射到熒幕的身影會變成其中一位麥當勞人物，跟住你所有動作。
睇嚟如果我玩應該一定射出嚟係「滑嘟嘟」

今次玩具樂園由兩位收藏家借出私人珍藏，加加埋埋過千件經典精品

先周圍逛逛睇吓唔同嘅拍照區！薯條汽水一定唔少得啦

呢個火車頭都係經典佈景之一，不過我就冇咩印象，可能連我都未出世！

想當年我勁鍾意嘅「啦啦球仔仔」都有！(其實我唔知佢正確官方名係乜)
即使寫住「請勿攀爬」但係小朋友都唔理咁多爬哂上去玩

嘩！最經典都莫過於呢棵蘋果樹同漢堡飽櫈，如果你唔想俾人知自己係70’s後，千祈唔好話你見過呢棵樹

呢度有幾間屋仔裡面放咗好多經典玩具，睇吓有幾多款係你哋記得嘅！

呢款麥當勞變型鐵甲人(1991) 當時真係儲唔齊，我只係得巨無霸同薯條機械人

90後最深印象一定係呢套史諾比世界系列(1998)，當年慘不忍睹睇住D人為咗換佢成個餐掉落垃圾筒(我夠膽講我一隻都冇)

仲有101斑點狗系列(1997)

呢D就好近期嘅系列，各位女仕記住話「我剩係見過呢幾款咋喎！」

另外樂園仲增設一個小遊戲，就係於樂園裡尋找QRcode，集齊5個就可以換$4.8優惠餐券，不過每日得100個名額(仲要得番三日至7月3日)
不過又唔駛愁，換完哂之後每日都有500個名額換特別版書籤！

頭4個都好易搵，不過你真係搵唔到都可以問職員，佢即刻帶埋你去嘟都仲得！

呢個喺換領處的QRcode先係最唔覺眼

好嘢我集齊5個啦！可以去換靚靚特別版書籤

提提你如果喺指定日期及時間內嚟到現場仲有機會遇到麥當勞人物㗎！

哥哥妹妹今日都冇機會嚟！唯有番到屋企將書籤送俾佢哋啦！

Photo byCANON 5D Mark III,Len|EF 24-70mm f2.8L USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分:8分

呀劍評語:一個色彩繽紛的奇妙體驗，讓孩子透過玩耍互動來學習及成長，更是一個讓親子一同體驗的寶貴回憶！

麥當勞玩具樂園簡介

今個盛夏，誠邀全城大小朋友齊投入 麥當勞與您一起編寫的集體回憶，透過一系列經典中的經典玩具精品，以及陪伴您我成長的麥當勞樂園人物，讓歡樂的Good old days重現眼前! 即日起至7月17日，「麥當勞玩具樂園」登陸太古城中心，為大家呈獻逾千件玩具珍藏，不少更是當年「全城熱搶」的話題之作，場內更設有別出心裁的QR碼小遊戲，送您限量驚喜獎賞；麥當勞叔叔、滑嘟嘟、小飛飛和漢堡神偷更會於週末快閃現身，與大家 開心歡聚， 麥 Fun Fun享好時光 ! 全港

地點

太古城中心二樓 中庭 、中橋及 5樓

日期

6月30日至7月17日

開放時間

上午11時至下午9時

費用

全免

互動有賞! 尋找隱藏QR碼 以「當年價」$4.8換限量套餐

‧ 6月30日至7月3日期間，每日首100位儲齊QR 碼人士，可以即場換取優惠券，以「當年價」港幣$4.8 購買漢堡飽餐一份(包括漢堡飽、細薯條，以及細汽 水)；每日$4.8漢堡飽餐優惠券名額換罄後，則有機會換領換領「麥當勞玩具樂園」特別版書籤一份 (每日限量500份)

‧7月4日至7月17日期間，儲齊QR 碼人士，可以即場換領「麥當勞玩具樂園」特別版書籤一份 (每日限量500份)

麥當勞樂園人物周末快閃現身

四位經典麥當勞樂園人物亦已準備就緒，於展覽期間「快閃」出動，為大家送上驚喜表演，想「野生捕獲」麥當勞叔叔、滑嘟嘟、小飛飛和漢堡神偷? 就要密切留意他們的現身地點和時間!

快閃日期

逢星六及日 : 7月 2日、7月 3日、 7月 9日、 7月 10 日、 7月 16 日、7月 17 日

時間

下午 3時至 4時

(以上資料更新至文章當日)

Facebook專頁:呀劍萬帥 kimfamilytraveltips
Blog網誌 :kimfamilytravel.blogspot.hk