【親子好去處】銅鑼灣 KOKUYO Design Award得獎作品展覽@LOG-ON

KOKUYO Design Award由日本知名文具品牌 KOKUYO 於2002年創辦，是國際性的文具比賽

所以我都有少少興趣想睇吓有咩文具咁巴閉可以攞哂獎!!

入到名店坊上咗一層扶手電梯就係LOG-ON啦！一入到嚟對住係個PUZZLE BAR，係nanoblock主場的！

天氣熱成咁，一入到冷氣地方即刻俾佢坐低玩吓抖一陣先！

nanoblock咁細塊，芊芊都一樣玩到！反而大人手指又粗又大好難控制

砌nanoblock實在需要更多的心機同耐性! 俾小朋友玩可以鍛鍊到佢哋D大小肌肉!

現場都放咗好多用nanoblock砌成的模型(真係大開眼界, 少D心機都冇可能砌得到)

溫馨提示：唔好放入口呀, 唔食得嫁! (好攪笑)

但係我覺得佢如果係俾小朋友睇就大大塊用圖畫代替棟喺度啦!

芊芊仍然好比心機繼續砌….砌….砌!!!! (但係老爸想快D行去睇吓個文具展)

玩咗成半粒鐘佢終於肯落嚟跟我去睇文具展, 沿途俾佢見到史迪仔同豬仔

行幾步就到咗個展覽場地, 原來個場好細, 一眼就睇哂!

「Kadokeshi多角擦膠」、「Campus paracuruno易揭筆記本」、「Beetle Tip 3-way螢光筆」等，其中「Kadokeshi多角擦膠」更成為紐約現代藝術博物館( MoMA )的永久館藏。

「Campus paracuruno易揭筆記本」

「Beetle Tip 3-way螢光筆」(右上)

「無名水彩」

「Kadokeshi多角擦膠」
2015年大獎作品 – 單詞本

其實好似Qcard咁, 不過Size好細好輕盈, 橡皮圈已附於咭中, 可以於日常生活中記低鎖碎事!

到2014大獎作品 – 透明剪刀

就咁睇外表真係只係一把透明既勞工交剪刀, 但係其實…..都真係一把好普通既交剪(個人觀點)

佢創作意念係話平時剪嘢嗰陣會被剪刀遮住睇唔到剪線攪到「岩岩蠶蠶」, 依家透明就可以解決以上問題啦! ………..||||| 滴汗(真係偉大發明)

2013年得獎作品係呢條「水引橡皮筋」個名真係靚, 其實都只係一條橡筋! 「水引」意思解作繩結的一種, 所以只係設計上放多個蝴蝶結喺就咁圓形一個圈既橡筋上面
不過點綴咗又顯得一條平平無奇既橡筋幾得意既!

最後呢個2012年得獎作品叫「無名水彩」…. 其實係CMYK水彩! 意思想大家自己溝色, 唔好用既定原有三原色以外既顏色! 再滴多次汗!

Photo byCANON 5D Mark III,Len|EF 24-70mm f2.8L USM

呀劍評分:6分

呀劍評語:藝術真係一門好高深既學問, 我雖然都係讀藝術出身, 但係比較實際D, 所以我叫自己做designer, 而唔係artist…..

KOKUYO Design Award 受賞作品展

KOKUYO Design Award由日本知名文具品牌KOKUYO於2002年創辦，是國際性的文具比賽，LOG-ON特別邀請KOKUYO來港，於2016年5月14日至6月26日在Fashion Walk店內LOG-ON ToGather文化創意空間特別展出由日本專程運抵香港的精選大獎和優異獎作品，讓文具迷近距離欣賞KOKUYO Design Award過往的獲獎作品及設計概念，當中兩件作品更會以獨家限定形式發售。

展覽日期:2016年5月14至6月26日

時間:上午11時至晚上11時

地點:香港銅鑼灣名店坊 1樓F-10 – F-16號舖

費用:全免

(以上資料更新至文章當日)