【食得健康】DIY 無煙無火無油美味韓燒
「好香呀! 好想食呀!」
不過出街食又迫人又好大浸味,
而且之前新聞又話,
啲餐廳唔知用咩油,
所以喺屋企同佢哋食一次,
知道自己用咩食材, 會放心啲! ^^
食物準備好晒! 好期待呀!
主角出場: ZAIGLE Well Being 燒烤爐
佢嘅紅外線技術可以將食物由內至外烤熟, 鎖住食物原本嘅水分同肉汁, 唔使額外落油或調味料,
亦都唔會產生大量油煙, 或者對身體有害嘅氣體, 令燒烤變得更清潔更健康.
簡單易用
一個掣就可以操控煮食溫度同紅外線燈管高度, 夠晒輕鬆方便!
步驟
1) 預熱燒烤爐, 將高度調節管壓到最低, 並將溫度調到最高溫, 等 5 分鐘
2) 預熱後, 根據需要, 將高度調節管調到合適高度, 將食物平放喺烤盤上高
快煮: 溫度最高溫, 將高度調節管壓到最低
慢煮: 溫度較低, 將高度調節管升至最高
例如, 雞翼煮大約３分鐘倒, 反轉再煎一陣就食得.
另外, ZAIGLE 亦都提供其他食物嘅烹調貼士, 照辦煮碗就有好嘢食喇!
冇難聞氣味
食韓燒最怕食到成身油煙味,
亦都怕聞到食物燒出嚟嘅怪味,
不過呢個爐係用紅外線燈煮食,
唔會燃燒氧氣,
所以唔會產生難聞氣味或者對身體有害嘅物質,
而且紅外線的熱力均勻, 唔使成日翻轉食物, 食物都可以由內到外徹底烤熟,
佢嘅散熱風扇, 有效防止燒烤爐旁邊嘅空氣加熱,可以消除殘留嘅油煙氣味, 同減少細菌滋生.
唔使落油
我哋一滴油都冇落, 食物放上烤盤,
紅外線燈嘅熱力, 將食物裡面嘅油就迫出嚟,
利用食物本身嘅油脂烹調,
減少彈油機會,
所以唔使驚「乾爭爭」 或者黐晒底,
原汁原味, 成餐飯都好健康,
尤其是對我哋呢啲要 keep fit 減肥嘅人嚟講, 真係太好喇! 😛
食物質素高
3 姊弟同我都鍾意食三文魚, 同蠔.
啲蠔燒出嚟外脆內嫩, 啱啱好, 唔會 overcooked, 真係幾好食.
雞翼都好好食, 少少脆, 裡面好有肉汁,
而且牛肉都好快熟, 辣一辣就得, 夠晒原汁原味.
啲雞翼同三文魚面頭都係燶燶哋,
雖然見倒有油,
不過真係一滴油都冇落過, 純粹迫返食物嘅油出嚟.
呢個燒烤爐嘅紅外線技術, 真係可以鎖住食物嘅水分,
防止揮發, 保留食物嘅營養價值.
Wish list
美中不足嘅係, 唔記得買芝士,
下次要試吓將芝士放喺金針菇面頭, 應該會好正! 嘻嘻!
除咗燒烤之外, 呢個爐仲有焗同加熱等功能,
買個 pizza 返屋企, 翻熱嚟食,
唔使落油都一樣可以加熱,
真正一部機搞掂晒!
容易清洗
首先, 用抹手紙輕抹集油管道
再用洗潔精同清水清洗烤盤
將盛油器從機身抽出, 將油倒出, 再清洗
咁就搞掂喇!
後記
ZAIGLE Well Being 燒烤爐無火煮食夠安全,
唔使驚小朋友燒傷 / 辣親.
