一站式專業驗眼及護眼

一同佢哋講去驗眼, 兩姊妹好開心, 因為佢哋平時好鍾意攞假眼鏡嚟玩, 所以會覺得有機會要戴眼鏡……

亮視點嘅姐姐既專業又好有耐性, 詳細同兩姊妹驗眼, 仲分享好多護眼心得!

Keicy 同 Kassy 對驗眼儀器裡面嘅氫氣球影像好好奇，

覺得個波波好得意, 係咁問:「點解嘅? 點解嘅?」

Keicy 做完之後, 仲想再做多一次, 即刻問姐姐:「可唔可以再驗多一次眼呀?」^^

`

去得驗眼, 當然唔止「望波波」啦!
其實要做 5 個 steps:

Step 1: 詳細問診

了解平時睇嘢有冇奇怪嘅習慣, 眼晴有冇唔舒服.

`

Step 2: 精準度數

精確檢查屈光度數同角膜弧度, 搵出最合適嘅眼鏡度數.

`

Step 3: 內外檢查

深入視覺功能測試同內外檢查, 包括顏色檢查、立體視覺檢查、裂隙檢查同眼底檢查,

觀察眼睛表面嘅健康, 例如有冇倒生睫毛、眼睛有冇發炎等等

可以及早發現潛在眼疾, 全面評估眼睛內外嘅健康, 從而盡早作出治療.

`

Step 4: 眼壓測量
通過測量眼內壓, 評估罹患青光眼嘅風險, 有助篩查容易被忽視嘅早期青光眼.

`

Step 5: 診斷建議

根據眼睛健康檢查結果, 由專業視光師提供個人化嘅護眼建議.
經過一輪檢查, 視光師姐姐宣布:

一切正常!

兩姊妹眼睛表面健康都唔錯, 度數正常, 唔使戴眼鏡.

Yeah!

聽完好消息, 但係未走得住.

因為貼心嘅視光師姐姐同我講解,

點樣保護小朋友嘅眼睛:

正常 4 至 5 歲嘅小朋友, 都會有少少遠視同散光,

要盡量幫佢哋 keep 住閱讀習慣、時間同距離:

書本與眼睛距離: 最少 40cm

閱讀時間: 每次不超過 30 分鐘

最佳休息模式: 每 30 分鐘停一停, 望遠嘢 2 至 3 分鐘

控制度數增長絕招: 做多啲戶外運動

關於度數改變

一般小朋友都有少少遠視同散光,

當佢哋眼睛生長,

即係慢慢變長, 同再大隻啲嘅時候,

可能會慢慢變成平光,

但如果生長速度太快嘅話,

就可能會由平光, 變成近視

所以, 視光師姐姐都語重心長咁同 Keicy、Kassy 講,

每次睇書唔好超過 30 分鐘,

唔好喺暗黑環境睇書,

唔好睇咁多電視,

唔好烏低頭睇書……

其實, 當 Keicy 同 Kassy 知道冇得戴眼鏡, 有少少失望, 不過知道眼睛健康, 係好事嚟!

我會努力做好視光師姐姐嘅建議, 多啲帶兩姊妹去公園玩, 望多啲綠色植物, 希望佢哋唔好咁快有近視啦! 🙂

FB: KeicyKK