為囡囡轉讀國際學校求減壓 家長嘆：「名校是汰弱留強的地方！」
撰文＋圖片：Bonnie Wong
而家返學好趕 好忙
返咗六個月year 3，放完暑假，已經升咗year 4啦 。比起三年級，今年課程比較緊湊，但功課量仍然不多，都係重質不重量嘅功課。同其他家長朋友傾計，好多同年紀嘅小朋友，好多時都要做9至11樣功課，做到半夜，做家長真的很心痛！以前我這一輩，小學的時候，都是返半日的。現在絕大部份小學生返全日，即是少了4小時，莫講話遊戲，連睡覺，溫書或做運動的時間也沒有。
但現在大多學校提倡一體一藝，上課時間多了，連功課也相對地多了，根本連練習體藝的時間也沒有。小朋友不得不完成功課，也不得不練習體藝或課外活動，所以往往捨棄睡覺時間。我常常說，要食得瞓得，小朋友才吸收，才會長高長肉。很多時小朋友要將早午晚餐倒入口中，或者未消化就已經要上床睡覺。除了衍生多樣健康問題，也會令小朋友偏瘦或偏肥偏矮，甚至消化不良。囡囡Jasmine 現在晚9朝7睡足10個鐘。是全班最高的女生!
另一方面，情緒問題，家長往往沒有時間跟小朋友談心，很多時小朋友在發育時期，面對很多青少年問題，又或者學校欺凌，功課壓力等等，越高年級，越少時間可以和父母傾談。慶幸我是全職主婦，囡囡上學的時候，我去見朋友和做自己想做的事，一到囡囡放學，我會將所有時間交給她。
可能因為我可以只focus 1個女兒，所以每當有問題，不論學業上或者情緒上，我都可以好快察覺到。
例如我發覺，囡囡升上小二後，開始討厭中文科。原來她很喜歡小一時候的中文老師，她說老師很有耐性，很有愛心。相反小二的中文老師很惡，常常罰她，即使我為囡囡加緊備課，也換來中文作文59分或者工作紙丁減等等結果，令原本不抗拒中文科的囡囡害怕中文。
有一次，我將先影印備用的工作紙給囡囡溫習測驗，她竟然將每一張積分一欄填了丁減。這次深深觸動了我！我覺得這是一個最後警號，我不希望孩子討厭學習，我覺得語言不是一朝一夕，而是需要經長年累月累積才會有進步的，但家長給予小朋友時間去進步的同時，名校係唔會比時間你的！名校係一個汰弱留強的地方，而唔係慢慢俾你培養閱讀興趣的一個地方。
記得一月的時候，功課少了，我問囡囡喜歡現時的學校，還是之前的學校，可能因為未太快結識到很多好朋友，她會說之前的學校。但今天我問囡囡同一個問題，她想也不用想便答我現在的學校！
今年課外活動，喜歡閱讀的囡囡揀了 battle of the book ，逢星期一放學留校一個鐘閱讀。我又可買少啲書啦😂
後記：近期睇咗幾個明星父母嘅專訪同埋新聞，
大家有時間可以睇吓：
1）吳鎮宇的成功，是香港教育的失敗！（吳鎮宇喊，我都喊咗出嚟）
2）劉小慧細女讀名校爆喊，呢個警號決定轉校！
我都係屋村學校長大的，但而家好似只有金錢先可以買返小朋友的童年，悲！
