萌爆 包包 是前世情人 徐榮自稱不合格奶爸＠Parent 婷

（presented by Johnson’s)

拍廣告成另類成長日記

去年只得幾個月大時，包包已接拍強生嬰兒廣告，當時包包還是手抱BB，眼碌碌笑咪咪樣子人見人愛，廣告出街後大受歡迎。廣告商再次找包包encore 拍攝新一輯廣告，16個月大的包包已經大個女，跌跌撞撞在拍攝現場周圍行、周圍玩，cute 到暈！徐榮笑言：「多得廣告商厚愛，連續找 包包 拍咗兩輯廣告，見證佢成長，變成另類成長日記，記載我哋相處嘅時光，將來等佢大個睇返都幾得意。」

自評不合格奶爸

包包 幕前演出不斷，經常父女檔上陣，令徐榮成功建立奶爸形象，但徐榮卻自慚形穢：「我心目中合格嘅奶爸係可以有好多親子時間陪小朋友，但做演員放假、放工都唔定時，好難做好奶爸角色。」徐榮放假堅持抽空陪哥哥踢波，又與包包到遊樂場玩，爭取更多親子時間。訪問當天拍攝地點就在遊樂場，徐榮與包包玩到不亦樂乎，雖然自稱不合格奶爸，但眼見徐榮當日湊女絕不雞手鴨腳，玩樂、清潔、食小點心都應付自餘，這個奶爸其實好稱職！

最難忘24小時湊 包包

長子徐朗今年已9歲，相隔多年再做爸爸，卻未有生疏，「好多年前，囝囝出世時會手忙腳亂，但而家湊包包就好駕輕就熟，哈哈！」問到與包包最難忘的一件事，竟然與湊女有關。「有次太太同朋友去旅行，結果做了24小時全職奶爸。朝早陪玩，夜晚陪瞓，好記得明明好攰，但望住個女瞓得好甜，真係望到眼甘甘唔捨得瞓。」看來女兒是爸爸的前世情人的傳說，真的所言非虛。