【升小的故事4】大人們別把自己的夢想轉嫁到下一代

Dec 8 2018

小一自行放榜，我們2013年的家長們，有人開心有人愁，一班爸爸媽媽一早互相報喜，亦互相安慰。我今年都在「升小」這個議題上經歷咗好多，我自己都好緊張。緊張係是因為自己要忙工作上的屎屎尿尿，又要忙皇太子學校的大大小小，好自責未必有好多的時間比到皇太子。

撰文、圖片：不懂撒嬌的媽媽 | 編輯：Angela

壓力就是動力嗎？

各大家長谷不斷有人分享新聞，我看了一篇寫著「壓力就是動力」的新聞，心理有點心痛呢！個我唔認識嘅小朋友，亦好想問吓呢個小朋友壓力就是動力？是真的嗎？

首先，自行係策略性的遊戲，一條有關probability嘅數學題，唔係你有幾千萬搬去41/12網，就一定會入到喇沙同瑪利曼，人哋學校邊年成立，玩世襲的百分比有幾多，人哋學校有玩宗教，玩邊個慈善機構嘅人事唔好人去你去吧！

第二，每個月花幾千到幾萬蚊，迫仔女學到識跳火圈，但去到面試大壓力到啞口無言，你上幾多堂面試班都無用吧！

直資私校同自行大抽獎一樣，貪心越大，失望越大，我和老公都是頻頻撲撲的在職父母，老公一早brief定我。他說：「你預咗直私無就會活得快樂一點。」我們只是默默相信自己支持的「寓學習於娛樂」。

有一次很搞笑的，皇太子常說同學們很喜歡講「屎尿屁」，我跟他說：「我就教你寫『屎尿』，好嗎？」然後他好興奮地抄寫去⋯⋯（我相信有好多人第一個反應就是：唔准再講）同意的，在街上就要留意言行舉止，但在家中，就讓他/她們盡情一點做自己吧！4-6歲的孩子就是喜歡屎尿屁。

我們都有報直私，但唔需要報20間，而且係應該因應自己小朋友嘅性格去選擇。我選擇多聽取一班同學媽媽的意見。我好感激好好感激身邊有幾個咁叻嘅媽媽好友，然後只報自己認為應該報的。

皇太子自己做個簡單開心人，其實我仲緊張過佢，但感恩我盡力堅持著自己的初衷，一直只係望著二線頭直私努力跑（神校？有唸，一間便好了，只是唸一間，無谷就預料之內的無），結果神校以外的都有好消息。

總結，我自己認為（純屬個人感受），香港已經夠大壓力，大人們，自己有理想有夢想，自己去追吧！別把自己喜歡的轉嫁到下一代身上！

我們這一家，選擇因應自己的能力出發。

在公司，她可以說是現實版的Mall姐；在家中，她也只不過是一個 7×24 x年中無休的普通媽媽；a Woman Marketer VS a Working Mom，如何平衡生活？一個關於堅持的故事⋯⋯

關鍵詞