塘福度假屋

11號每15分鐘一班車，11A每半個鐘一班

雖然11號係多人等啲，但班次較密，我地最終都喺3點3上咗11A

去到塘福，一落到車就見到好多牛牛

有幾隻仲一齊過馬路呢！

記住唔好摸牛牛，雖然佢地慣咗見人，但係佢地發起脾氣好大力㗎!小心為上!

前幾日仲話會落雨~感恩~無落過!

*呢到有救生員服務，廁所、更衣室等設備

士多喺巴士落車嗰個位(仲有幾間餐廳)

如果好似我咁唔記得買泳鏡，又或者想買野飲嘅，可以喺士多買咗先~

玩完水，我地就返度假屋玩啦！

沖完涼~我細心嘅朋友已預備好食物飲品!

佢地嗰朝一早到咗東涌，喺富東街巿買晒食材先入嚟塘福㗎~

我地有好多小朋友喺到呢~

思澄生日快樂~特別多謝思澄媽，令一眾k3幼稚生有個咁難忘嘅”生日會”!

我地之後做咩～啲小朋友有小朋友玩，我地有我地大人傾計

我仲帶咗堆小朋友去觀星~

夏天要睇夏季大三角、天蠍座、北斗七星

都有好幾個小朋友有耐性聽嘅~

點幾2點先瞓…你睇呢個妹妹，第二朝唔願起身啦！

食咗啲包包做早餐，我地又落海灘

沿途見到好多動植物，真係好似生態游咁~

搵到怕羞草~

除咗蝴蝶、蜻蜓外，我地仲見到好多唔同嘅昆蟲呢~

我地最後玩到4點先走~樂而忘返

*入夜後蚊比較多

記住帶蚊怕水!