天然療法嘅誘人力量 為健康做多一點 由完全抗拒精油到喜歡用油的轉變
近年大家都愈來愈關注健康，多咗好多朋友行山、做運動、睇中醫、開始有機飲食。而一d天然療法亦慢慢興起。身邊亦都有好多朋友係精油嘅鐵粉，大部份都係爸爸媽媽級的人馬，其實一直以來每次傾起，又或者見到佢地分享有關用油嘅野，我都心諗佢地真係中哂毒啦。但我亦都明白大家為人父母都唔希望自己小朋友接觸化學物、藥物嘅心情，所以唔難理解佢地小朋友有感冒、發燒、 咳嗽等，呢班鐵粉都係「以油代藥」。只不過係當時唔能夠認同唧！(抱歉我當時的無知) 如果大家同我一樣都係關注自己同家人健康，希望遠離化學物質嘅生活，可以花小小時間睇下以下嘅文章。
其實點解精油會紅起上來？
精油係由植物中萃取得來、 係好細嘅分子所以好易被吸收，而精油亦都可以話係歷史悠久嘅「草藥學」。埃及法老王係重要嘅宗教儀式，會在不同嘅神像前燃燒同塗抹各種芳香油，期望給族人帶來健康。而公元前4000年，埃及人用雪松、沒藥、乳香等精油來作為木乃伊的防腐之用。精油擁有大自然的力量，係古代已經開始被廣泛使用，呢一門「草藥學」都已經有超過4000年的歷史了。
岩岩提過精油本身係由唔同植物中萃取，好似Young Living係用上75個檸檬去做一支15 ml嘅檸檬精油，而15ml份量嘅玫瑰精油就需要用上65磅玫瑰花瓣先可以做到，完全係足料呀，亦都因為咁令唔同精油嘅價格有別。而精油嘅價錢亦都會取決於產地、 植物品質、純度，仲有係唔係易種同埋種值期要幾耐等。
唔同嘅油，有唔同嘅用處，好似最廣為人知薰衣草可以減壓、乳香可以預防妊娠紋、岩蘭草可以減輕失眠等等。不過市面上真係有好多精油產品，而且生產方法各異， 各位爸媽都要留意返精油嘅原材料、 生產方法同埋有無進行品質檢測確認成分與功效等，仲有要留意生產商係生產過程中有無加入化學成分。
初次聽到Young Living呢個名字應該都已經有1年多了， 我初時好傻豬豬根本唔知道佢地原來係咩所謂嘅「傳銷」公司，只知道係賣精油嘅公司來的，朋友A同我講佢小朋友用緊好work，好小睇醫生，小朋友自身個底打得好好。 另外亦有2個唔同的單位搵過我，想我幫手介紹Young Living比大家認識，我當時完全無意欲去參予， 因為覺得當時孖寶好細自己亦無咁嘅需要，更加唔想白白浪費咗人地嘅產品。
相信大家都知道孖媽我另一個身份係blogger，好幸運同感恩間唔中會有d產品同美容療程比我去試， 如果用過真係覺得好嘅再同大家分享。所以坦白講，近年我真係好小自費去買美容產品比自己。再加上自己本身係讀Marketing同Business出身的，所以一般廣告對我起唔到太大嘅作用，除非真係我自己想試同有需要先會去買。當然亦有好多產品係試用完之後覺得好用嘅，之後變成一直光顧啦。
再真正接觸返Young Living係因為親人同我提起Young Living「治療級精油」可能有機會幫到我其中一位家人的健康狀況，佢有見聞過類似的case。當下我即時好認真咁去了解，買書來睇、上網research、問呢個問0個個，再查就發現原來Young Living係「傳銷」, 我無反感因為呢一位家人係我最信任嘅人之一、佢一定唔會騙我、 佢絕對100%只會係想幫我。因為佢知道我為此有幾唔開心。
不過老老實實啦…..大家都知道傳統傳銷行業一貫都只係有壞印象比到人。亦曾經有看到一些報章嘅負面報導，我當時好老土咁諗呢個世界真係橋唔怕舊，20年前身邊有人玩傳銷，到以家呢個世代仲有人玩傳銷？我唔可以唔承認係我自己對直銷有太多偏見，其實自己用後感同經驗先係最重要，口耳相傳係任何無野可以取代。問心，理得佢係唔係傳銷，只要件產品係幫到手、work嘅，咩銷都無關係。其實用心感受你自己會feel到「精油會說話」，根本唔需要多講d咩，用咗試過就會知道產品係唔係好，值唔值得你去用。
之後我同孖爸提起有關Young Living想自己試下，睇下係唔係真係幫到家人，咁當然係要我自己試咗好，我先會再考慮同家人提起啦，因為我唔想比到家人任何false hope，所以我決定自己試咗係ok嘅先再同佢講。但孖爸同我一樣聽到直銷公司就有以下反應。
孖爸話: 你唔好放幾萬蚊落去呀。
我話: 我點會呀？同埋Young Living根本唔會要你拎錢出來自己買貨。
孖爸答: 你覺好用，work嘅你就會係咁買嘅啦。
其實仲有一
之後我再詳細咁去了解， Young Living其實係完全唔需要你放任何錢落去，如果真係要講「投資」金額就係一套Premium Starter Kit(HK$1565)呢個價值，買呢套kit set返去比你自己同家人日常使用。
Young Living 好得意，你入咗會成為會員之後，先可以用76 折(24% off)嘅會員批發價買野。當然啦，你之後唔想用亦都無所謂， 唔會有人逼你買野。你無任何責任或任何必要去做任何消費，亦無最低消費。所以簡單d黎講，萬一你真係用咗Starter Kit覺得唔想再用，都係呢千幾蚊！我同自己講Nothing to loss ！點解唔去試下啦，如果真係work，係幫到一個生命！ 呢個係我切實實的想法同做法， 就即時入手，買咗一套Starter Kit 再加上一d其他自己想試的精油啦。
除此之外，大家都知道我有一對早產的孖囝，所以我對家人嘅健康亦都係好關注。再加上之前孖寶好易病，動輒就要帶佢地去睇醫生，不過好幸運我地遇上一個好醫生，每次岑醫生都有同我地講，如果BBs真係好反d就唔好再比藥佢地食啦，亦有解釋d藥BB食咗會留係地身體一段好長的時間，而食藥對BB的一些器官亦唔係咁好，可以唔食嘅就家長自己因應BB情況決定係唔係停食。岑醫生更加係好小開抗生素比孖寶的，佢真係到非必要關頭先會開抗生素比我地。其實就連世界衞生組織都有對抗生素作出警告，指出全球細菌對抗生素的抗藥性已達危險程度，呼籲人類正視有關問題，而美國亦有指引6歲以上小朋友醫生先可以處方抗生素比佢地，因為抗生素有機會將免疫系統內的重要元素益生菌全部殺死，可想而知過分處方抗生素只會增加細菌抗藥性，對我地健康真係百害而無一利。
岑醫生亦有教我，仲係畫埋圖咁教，佢話其實大人細路都係要等身體自己復元，病情係會經過一個高峰發咗出來，再慢慢好返的，基本上身體係會自己對抗同打仗。當然如果係小朋友身上，我地家長係會比較緊張同擔心，所以之前一有小小野我地就會帶孖寶去睇醫生、食西藥。亦有另一個兒科醫生同我地講BB有痰首要嘅唔係止痰，佢話止痰原來係大錯特錯的，反而係應該先化痰，增加痰液分泌，令痰變得較稀，易D咳反哂D痰出來。相反，乾咳屬於敏感性咳，應該及早止，如果唔係好易會咳傷氣管。感恩遇上兩位良心好醫生，其實當時已經慢慢開始改變咗我對食西藥既睇法，只不過當時未有敞開心扉去了解精油嘅天然療法。
其實我相信一切係緣份，好耐之前縱然有機會我亦無參予其中，偏偏係呢個時候再多一次由家人同我提起精油，可能上天安排呢個時間要我去認識Young Living係自有祢的作為，我相信亦期待著Young Living為我們家人帶來長遠健康上嘅幫助！
希望大家都可以慢慢認識精油係用作保健、支援身體機能、幫助提升免疫力、平衡情緒、舒緩肌肉緊張等等，食小D西藥，一齊以大自然嘅力量改善我們的身體。
Young Living 行嘅 MLM 就好似保險咁，原意係希望有專人跟進、指導，因為治療級精油唔係一般家用產品，係好需要有一個必責任心嘅人去教你點用！提下你普通鼻敏感可以用邊支、如果生唇瘡/飛滋時用邊支好、肚仔痛又應該點搽去幫助。
抱住愛求真同研究嘅精神，同埋對自然療法嘅興趣，我開始同唔同嘅由進行一連串實驗同研究。除咗希望自己可以識更多，幫到改善同維持自己同家人生活整體健康之外。我發現其他精油真係自然療法的一種高效工具。
如果你未真正接觸過，你唔會估到一滴的精油，原來可以對身心帶來正面作用。
好啦，講返Premium Starter Kit，入面有d咩啦。除咗11支精油仲有部Dewdrop Diffuser水滴型精油擴香機 ，只係部機都已經要HK$6xx。內盒有2層，而上層有10支精油，下層就有1支精油同其他accessories。基本上都已經好夠日常生活嘅基本需要，一般傷風感冒、鼻敏感、撞親手腳、殺菌、增強抵抗力都已經照顧到，我個人覺得唔錯！
精油有分單方精油&複方精油
單方精油講究的是將專有最好嘅種子，遵循純種培養方法，參與整個蒸餾過程，令每一滴精油中都含有最佳等級的有益植物特性。Lemon、Lavender就係單方精油。
複方精油就係將兩種或以上嘅精油混合一齊，達到互補和創造更佳的效果，講究的係效能同埋協調性。例如R.C. 、Abundance 就係複方精油。
以下list out就係kit set入面有嘅11支精油同埋其他產品 :
單方精油：
1. Lavender薰衣草精油5ml
2. Peppermint薄荷精油 5ml
3. Lemon檸檬精油5ml
4. Frankinence 乳香精油5ml
5. Thieves盜賊精油5ml
6. Copaiba 苦配巴精油 5ml
複方精油：
7. Purification淨化精油5ml
8. R.C.呼吸道精油5ml
9. Pan Away消痛精油 5ml
10. DiGze 肚子精油 5ml
11. Stress Away壓力舒緩精油 5ml
•AromaGlide™滾珠連蓋1套
•10包精油Samples
•10個精油樣本瓶
•2包寧夏紅 (2安士)試飲
Lavender 薰衣草精油具有清新、甜美、芬芳、草本的香氣，舒緩和清涼。因為它係所有精油中用途最多的，所以成爲了居家必備之良品。薰衣草係皮膚同美容方面都得到了高度的重視。唔知大家知唔知，原來1支15ml嘅Lavender 薰衣草精油係係要用上27 square feet lavender plants先可以製造出來。
Peppermint 薄荷精油具有一種強烈、清新、清爽嘅薄荷香氣，係最古老和最備受推崇的藥材之一。而1支15ml嘅Peppermint 薄荷精油就要用上1磅嘅raw peppermint material先可以製造出來。
Copaiba苦配巴精油係透過採脂萃取方法提煉嘅精油，跟橡膠和楓糖的制法相似。一旦被萃取出來，苦配巴樹脂即被蒸餾產生清新的精油，具有豐富、令人振奮嘅木質氣味。
水滴精油噴霧機係用濕電，按一下噴霧機前面嘅掣，柔和的藍燈亮起，同時，清淡嘅煙霧係機頂位置飄散，精油嘅香氣亦隨著煙霧飄散，令滿室充滿香氣。
Young Living 呢部diffuser比起一般嘅香薰機分子更微細，更易吸收。最重要係佢超細嘅份子，唔會增加空氣過量嘅濕度，可以更有效咁發揮精油嘅功效。
唉…我上次係公司幫同事手搬野個陣，唔小心比推車輾過隻腳，雖然無明顯嘅傷口，但都有d紅腫，仲好似有d灼熱感，當時我就醒起可以試下用Lavender 舒緩灼熱感，之後我再搽上一層Panaway。效果真係ok，即時已經無咁紅腫，即時亦都無再feel到好灼熱咁了，得咗！
以下亦有一些我想同大家分享自己同家人用後嘅Testimonial，這可是孖媽我用心去分享自己嘅體驗，不誇大，如實説出大家要知道的資訊。
講返我自己啦，其實由細到大好多時都會生唇瘡，有時起初本來只係生一粒，之後慢慢又’野’到附近都生埋，有時仲係一黎就幾粒，仲有d濃出來，既唔美觀， 食野又唔方便，有時仲會有d不適感，最慘就係次次一爛就爛2星期，有時見到d朋友就會笑我: 又爛咀呢。早幾年我開始research想了解到底唇瘡係d咩，原來佢會出現係人體免疫能力較低時，呢個時候就係唇瘡最易發作嘅時候。通常冬天和春天較活躍，因為冬天天氣凍，嘴唇、唇邊都好乾燥；而春天就係流感高峰期，呢兩個季節身體嘅抵抗力都比較弱，所以唇瘡係特別容易發出黎。不過就算當時知道咗亦都無辨法，只可以任得佢爛。
咁岩上星期，起身發現又開始谷唇瘡 + 仲有成個水泡出咗黎，我就即時拎咗支Tea Tree精油想用來消炎，呵呵……勁到呢，下午粒唇瘡已經變得又軟又謝，連水泡自己爆埋我都唔知，因為個日好忙，無keep住check，只係到5點幾時發現唇瘡謝了，水泡亦爆了！平時真係起碼要個幾星期先可以搞掂，而且以前生親唇瘡都會好快咁迅速擴散去其他範圍。所以今次一個下午就搞掂真係覺得好amazing.
眼見唇瘡朋友已經收哂水，乾皮，咁就係時候要修復返啦。呢個時候就到Frankincense出動~
好開心，多年來嘅唇瘡問題就係咁比呢2支精油KO咗。
鼻敏感篇
自己一直都受鼻敏感困擾，曾經有聽人講過生完BB成個身體system都會reboot過咁，我都有諗過可能生完之後真係會無哂鼻敏感。因為我生完出院返屋企坐月到返工之前一直都無反發的，但奈何一返工就又黎過，一坐埋位就係咁打乞痴，直頭係瘋狂咁打到眼淚、鼻涕都流哂出黎，要用好多tissue去抺都仲係咁乞痴、乞痴。
我就係用RC精油去解決呢個問題，我會滴1-2 drop係紙巾上面，跟住就放張紙巾入mask內戴住，到了下午所有乞痴都已經停哂了。連我自己都唔敢相信小小嘅RC就可以支援到我上呼吸道系統嘅健康。
好感恩，我用一支就搞岩了長久以來嘅上呼吸道系統問題。因為有d朋友可能RC未必對佢起到太大作用，就可能要用其他單方精油，例如Peppermint薄荷精油、or blend支LLP去應付頑強嘅鼻敏感。
孖爸有時頭痛我就會比Stress Away 同Peppermint佢用去減少頭痛。我自己頭痛有時都會用上Ginger。亦有很多人會用Panaway+Peppermint。又或者有會員會用Aroma siez Or M-grain去處理頭痛嘅問題，其實用油無分對錯，可以係好隨心，最緊要試到岩自己，而配方自己用咗發揮到效用就可以了。
第4同第5想分享嘅Testimonial都係細佬仔的。細佬仔d皮膚由出世到以家都係好易比野咬，好多時我地都唔知佢比咩咬到，一黎就已經又紅、又腫、又熱。最慘係一痕佢就會R，唔好話對BB黎講R係正常啦，大人自己痕好多時都會忍唔到手照R啦，咁相信大家都知道啦一R就好易爛肉，我地搽過好多野，用過好多唔同品牌，香港本土嘅有、係馬來西亞訂返來嘅有、係美國order返來嘅亦有，基本上真係咩都試過，但都唔知點解都係唔多work，直到遇上 Young Living。
細佬仔又唔知比咩咬親，好明顯啦佢已經R到自己爛哂肉咁，見到都肉痛呀！
無辨法啦，我又唔可以24小時睇住佢，捉住手仔唔比佢R。於是，今次首要幫佢止痕，因為我嘅logic係唔痕就唔R，先要消炎止痕，於是我就用最mild稀釋咗的Lavender來幫細佬消炎止痕，見佢無咁紅消咗炎，就出動貴野Frankincense來幫佢修復返皮膚組織啦。大家都可以睇到用咗14日之後已經同之前有好大分別啦~
又黎料….最近唔知咩衰野又咬到細佬仔隻耳仔咁，又熱又紅又腫，變到成隻大耳牛咁，其實我情願佢咬我or孖爸好過please！
成日都搞到人地成隻豬耳咁，今次我就用稀釋咗嘅Purification + Frankincense 搽 Ramsey嘅outer ear，佢唔係一d都無R，但相對已經比之前R小咗好多了，起碼唔洗R爛肉。呢個精油組合搽到第3日，雖然未係無完全好哂，但看上去都好得7788。感恩！
當然仲有呢支Gentle Baby啦，以前有出15ml裝，但以家只係得返呢支5ml裝，仲要係長期缺貨，真係多謝孖寶嘅家人送地我地。除咗小B可以用來舒緩BB不舒服或者鬧情緒之外。就連孕媽咪都可以用，幫助平緩懷孕媽媽的情緒，有說亦可以消除妊娠紋，減輕肚子上的皮膚因為擴張的痕癢與疼痛。
再加上好快到夏天，所以我都有特製咗支全天然嘅精油駒蚊水，起碼唔洗再比家人同BBs用埋個d由化學同有害品質製成的產品，我知道未必可以由生活一刀切哂所有化學野，慢慢來吧~ 因為只有改變生活模式先至係健康嘅長遠之計。
第一次做面霜，用咗Frankincense、Geranium、Lavender呢3隻精油，係好好的配方。
人生嘅所有野都應該由根源解決，唔會有捷徑，每天多做一點吧! 一起加油~
Starter Kit入面亦有2包NingXiaRed 寧夏紅，佢係一種強大嘅抗氧化劑飲料，包含整個寧夏枸杞（杞子）原漿 – 超級混合藍莓，阿尼亞，櫻桃，石榴，李子果汁，天然甜葉菊提取物，葡萄籽提取物，純淨的香草提取物，橙，柚子，檸檬，和橘子精油。寧夏紅嘅好處包括支持從頭部到腳趾，通過全身的營養輸液。寧夏紅，已懷有數百年以其健康，能源，和長壽的好處。
原來阿佘都係寧夏紅嘅用家。
NXR枸杞子汁，對身體增強免疫力好好，飲完除咗可以精神之後，亦對改善視力同循環系統有幫助。孖爸有時開車同我地去玩，佢都會飲包寧夏紅，即時更集中，咁我同孖寶就可以繼續係車上訓到豬仔咁啦！
有好多新入會嘅朋友都會問，到底精油應該點用? 最簡單同安全嘅方法我會先教大家選溫和種類嘅精油用擴香器diffuse，最初可以用Orange、Lavender、Lemon、Ginger 等試下。其實將精油以擴香器擴香，散發到空氣中，為該空間內的空氣殺菌、抗病毒。亦可以每次抽1至2種混合使用，達到協同效應，令功效和氣味達至和諧。
-促進血液循環之順暢
-疏通人體能源循環管道之障礙
-促進器官部位功能之正常與各器官系統的協調
-增進內分泌之平衡，緩和趨於緊張之系統
-排泄體內毒素雜物，維護健康
-加強新陳代謝功能，保持青春活力
-刺激細胞產生活力，防止老化
-恢復退化的器官機能，預防生病
提提大家混合精油使用，要間唔中就轉下用嘅精油組合。因為身體會逐漸習慣精油作用，所以《連續》使用一段時間後，好似3星期- 2個月左右，就要更改配方。改少少配方比例又或者更換另外功效差不多的精油都可以。
再提提你複方精油 (e.g. Thieves / Purification) 如果你係用直接搽嘅方法，唔好同時混合使用1種或以上的複方精油呀。除非你係layering，即搽完一層再搽另一層呢個做法。相反，同時混合幾支單方精油來用係可以無問題的，不過我自己最多就唔會混合超過3隻單方精油。
特別要講嘅係 3 歲以下嘅小朋友因為皮膚和血管較薄和細，要知道Young Living 嘅一滴精油，劑量絕對唔少！一滴是由成千上萬的植物蒸餾而成，係品質好好嘅濃縮精油，所以一開始最好先將精油搽係腳底上就可以了。仲有小朋友同初接觸精油嘅朋友一定要dilute呀，即用基底油(植物油如V-6，Olive oil或椰子油等)先稀釋精油。用植物油去稀釋精油，可以令精油以較溫和嘅速度滲入皮膚發揮作用，又可減低皮膚因排毒速度過快而有可能引起嘅紅或癢的反應。
精油安全使用與稀釋:
Young Living精油稀釋比例
成人平時用宜低濃度:
面部1% 至 2% (即10ml底油 加2至4滴)
身體3% 至 5% (即10ml底油 加5至10滴)
痛症5% 至 10% (即10ml底油 加5至10滴)
自己日日用的油10% (即10ml底油 加5至10滴)
生病時可自行決定參考高濃度:
1:1成人，1:4 兒童，1:10嬰兒
(Hot Oil 好似Thieves, Panaway, Oregano, Thyme, Cinnamon Bark, 等需用上更高稀釋度。而Thieves 亦不宜塗抹在脚板以外嘅部位)
另外，根據Gentle Babies一書，用V6稀釋Young Living精油份量比例更高，但有可能效果會需要用上比較長嘅時間先顯著。
嬰兒：1比30 (1滴精油＋30滴V6)
兒童：1比20 (1滴精油＋20滴V6)
青少年：1比10 (1滴精油＋10滴V6)
大人：1比1 (1滴精油＋1滴V6)
注意老人家開始用精油時要稀釋得多d, 因為老人家嘅皮層已經開始變薄，當然如果你可以幫佢稀釋埋，放落樽度比佢直接用仲好啦。
講咗咁耐我想再一次強調「精油唔係藥，生病你都仲係要去睇醫生！」，精油可以係幫助紓緩不適。輔助我地平衡身體各方面，處理情緒、用作保健、提升健康同預防 。絕對唔係話精油可治療及醫病，我會視之為支援同提升身體各系統之用。精油係一種保健產品，而非取代西醫嘅治療。
最後input返小小Young Living 嘅background比大家知道，Young Living係精油業的世界領導者，產品被運到超過100個國家，佢係美國丶日本丶英國丶亞洲丶新加坡丶秘魯丶加拿大丶厄瓜多爾和香港設都有辦公室。創始人Gary Young係一個好勵志嘅人，原來佢係一次采伐事故中身受重傷，之後開始尋找傳統醫學治療方式的天然替代品，嘗試過用許多不同的方式幫助重新找回自己雙腿嘅知覺，最終使自己能夠重新走路。
幾年之後，Gary Young發現咗大自然嘅恩賜：精油，佢開始熱衷於開發精油並開始進行廣泛研究。於1993年建立了自己嘅第一個提取室，並係1994年建立了自己的第一個固定的蒸餾厰，他開發了專有嘅蒸餾技術來生產精油至今天 。 佢地係世界各地都有自家設農場，由種子生產到包裝都係自家一條龍包辦，重點係精油純正100%天然，無用農藥，每支精油係由植物精華嘅所在。
Last, but not least 我真心想講呢套Starter Kit係抵到爛，個Diffuser 都已經成HK$6xx，set入面有兩支貴油HK$750，但個set都先係 HK$1565，以前我地睇幾次醫生或者去counter買兩支精華都已經唔只呢價錢啦！Starter Kit其實係遠遠超過佢應有嘅價值，希望大家都可以學識點用，守護自己同家人嘅健康，慢慢開始用天然療法去支援身體各系統對抗病菌啦~
相信大家都意識到要開始慢慢改變生活習慣，希望可以用到更多天然產品丶更小化學成份嘅用品。而Young Living有好多大家認識嘅名人都用緊，呢套Starter Kit價格亦都唔算太貴，用來入門感受精油帶比你地係健康同身體各方面嘅提升都係好好嘅tools。
願大家都可以利用大自然給我們最寶貴的禮物，為自己同家人保持身心靈健康。
如果大家都想試下Young Living 精油嘅誘人力量？可以係荔枝與孖寶Facebook Page PM/或者Email我，因為買Young Living一定要經會員介紹入會，之後先可以用76折去買其他產品，建議初接觸的朋友可以先買呢套Premium Starter Kit，除咗抵之外，其實個kit已經可以照顧到日常生活嘅基本需要，所有基本上係每個會員入會都必買的。
孖媽小提醒：
*Less is More: 每次使用精油的份量唔需要多， 1－2滴就夠啦，效果快慢取決於使用嘅頻率和稀釋的比例。
*當你使用一種新嘅精油，請緊記用得越少越好；使用 1－2滴精油，而每次不超過 6滴。由於每個人的體質都不同，所以係未熟悉該精油嘅特性之前，應該先要將精油用於身體小面積嘅地方同埋記住要稀釋。
*仲要長期存放一支V6植物混合油 or 純植物油。如果精油刺激到皮膚或者你出現比較大嘅排毒反應，植物底油就可以用黎稀釋精油。仲有如果唔小心精油入咗眼，就要用純植物油（例如 V6、橄欖油、葡萄籽、椰子油）。千其唔好用水呀，因為水只會將精油再推進入皮膚組織！
*當然我地做父母要留意將精油放係年紀細嘅小朋友拎唔到嘅地方。
*如果用咗感光精油；例如 Lemon、Grapefruit、Bergamot、Orange、Angelica 、Tangerine 等等。就要留意係搽咗精油後嘅12小時避免陽光或紫外線。
*如果有健康考量嘅亦可以係使用精油前考慮一下諮詢您嘅醫療專業人士，以確認精油使用在你身上係安全的。
*精油同其他保健品及藥物一樣都有其禁忌性，不可過量使用。另外，如果本身身體有某些特殊情況，例如癲癎症患者、高血壓、低血壓、蠶豆症、孕婦等，必須小心留意有那些精油必須慬用。只要懂得安全使用，大家是無須擔心的。
免責聲明：
*以上主要分享個人用後感同心得。留意每個人嘅體質唔同，初用精油者、孕婦、嬰兒同小孩務必了解清楚成份同稀釋咗先使用。(有關使用指引，大家到時可以隨時發問) ，同時亦需考慮個人體質情況。
*以上陳述與產品並非專用於診斷、治療、治癒或預防疾病。文章資料僅供參考之用，因每個人嘅身體狀態有所不同，用後嘅效果亦會不一樣。不等同醫生專業醫療判斷。有關醫療問題及家居衛生習慣，請諮詢你嘅醫生。
*所有內容都只屬於個人意見, 並不代表其他人或其他公司立場。
*選擇用天然方式或者尋求醫生治病完全係個人決定。
*以上所提及的用法只限於Young Living嘅「頂級精油」！
祝各位身體健康！
**是次的產品及產品資訊由品牌 提供**
我和孖寶的Facebook Page:荔枝與孖寶
我和孖寶的 Instagram IG#:laichimama
If there is any question or you looking for me and the boys, please feel free to contact LaiChiMaMa via Email:[email protected]
