孖寶澳門遊記, 坐免費車shuttle bus由氹仔去大三巴!

Nov 7 2016

第一次帶孖寶出外地的預備功夫真係唔小, 又要申請passport, 申請身份証, 影証件相等等. 詳細申請手續我就唔多提啦, 因為好多資料都可以係網上搵到. 不過如果真係申請証件上有問題的, 都可以PM問我, 我會將我知道的盡力覆大家的.

本來我地係想坐10:10am個班船過去的, 不過係屋企搞下搞下2個食早餐又已經過左時間了. 於是就坐12:10中午個班船. 我地坐Turbo Jet的, 係上船之前有個職員呢就來sell呢張HK$100的上網卡. 我聽下聽下之後話買啦, 孖爸就話唔需要係度買. 我話唔洗上網咩!?

佢話其實真係無咩需要, 同孖寶一齊係酒店個陣會有wifi, 出到街要睇住佢地都唔方會有時間上網. 雖然孖爸覺得唔需要, 但因為我話買啦. 所以係我去完toilet出來之後, 佢真係買左比我.

結果下船之後, 見到呢個自己售賣機有二日一夜MOP$50的呢! 佢當時無講d咩, but he give me that look. 呢個表情意思應該即係’’我都話左唔洗咁急係個度買既啦!’’.

係既, 大人我知錯啦~嘩哈哈!

兩隻小B坐船的時候都無訓, 可能好新奇, 掛住玩同睇野. 所以下船之後轉左上shuttle bus之後, 再到下車係酒店等check in 都訓到好似豬仔咁~

其實呢我同孖爸各自都已經去過澳門好多次了, 所以近期去基本上都唔會再去任何景點. 但今次係孖寶第一次去澳門, 當然希望佢地可以了解一下澳門的文代啦. 所有我地都有做返d遊客野.

我地有帶孖寶去大三巴(聖保羅大教堂遺址). 不過全程揹住佢地真係好累呀~ 但這亦是很快樂的. 因為可以24/7和自己孩子在一起, 是我最最最開心的事. (重要的事講3次)

孖媽就用咗一個免費的方法由氹仔的酒店過返去澳門新馬路個面啦. 大家可以先行去City of Dream新濠天地酒店,氹仔呢面好似係佢地有免費的shuttle bus去到大三巴附近, 酒店係5:00pm前係唔會check你係唔係住客. 而如果過左5pm就好似係要酒店住客先可以坐啦~

下車係呢個位.

去到新馬路附近, 行5-10mins去到議事亭前地影下相, 之後我地仲帶左孖寶去玫瑰堂主教座堂參觀一下, 感受一下教堂的氣氛.

仲有買左台灣特產胡椒餅來食, 咁當然孖寶無份食啦~

再食埋榴槤ice cream, 不過真係堅難食. 完全無榴槤肉, 食到既只係香料同香精. 完全唔推薦.

好想食到好正, 真係好味的榴槤ice cream呀~

到第2朝, 係酒店食埋早餐之後呢. 就同孖寶去官也街行下. 我地係由金沙城, 經過Four Season同威尼斯人酒店, 行一段路再去到官也街的. 因為之前一日已經揹到我地好累了, 所以知道可@推到BB車, 我地都選擇用BB車過去. 不過咁行其實都起碼要20mins. 可能揹住佢地坐車去仲快~哈哈!不過無所謂, 我們有機會可以欣賞到沿途的風光~