過程其實係沮喪嘅,
就算整得幾有心機~~
咀刁又厭食嘅pok姐lunch冇乜胃口~~
(有時lunch後又趕住去課外活動!)
成日都食得好少!
淨番晒~~血都嘔乾了!
我仲思考緊點先可以令佢食多啲!
蒞緊會試吓唔畀小息snack,
睇下lunch會唔會食得多啲!
同埋要投其所好~~
鑑於每逢有白汁pasta就隊晒,
所以我決定日日都整白汁白汁白汁!
咁鍾意白汁吖嗱!
等我入定成打cream同芝士先!! 肥C佢!
講開整pasta都會落啲特別啲嘅粉~
果然有啲用! 會食多啲!
公主粉from city’super~
（有Cars, Mickey, Winnie the Pooh等等)
唔需要成個pasta都落晒有character的粉,
因為質感比較實,
我會溝埋通心粉、貝殼粉、螺絲粉等等,
食落有唔同texture~
要扮到 “懶” 係豐富,
通常可以將便當分3 part:
主食 (粉麵飯包類)、
主菜 (即係一個餸)
配菜(第二個輕kang啲嘅餸, 蔬菜生果等)
e.g. 主食: 雞蛋飯團
主菜: 煙肉芝士卷
配菜: 士多啤梨、西蘭花
續下頁
買咗啲配菜兜蒞裝配菜~~
silicon & 紙兜from $12店
最近用不銹鋼午餐盒多, 見到鋼底覺得唔夠靚,
多事的pok媽去$12店買有pattern嘅牛油紙墊一墊,
可以令畫面豐富啲~
冇咗張心心牛油紙, 就掩飾唔到呢個便當嘅空洞~~
???
*籤*~~好緊要喇~~
即時令到個飯盒充滿生氣,
靠晒佢喇~~
本來嗰堆蝦餅、鹵水蛋配菜擺極都唔靚,
加咗籤同紙兜即刻順眼咗!
當然唔少得用西蘭花塞住啲罅位~
(唔好show到個盒底/盒邊, visual上會豐富啲!)
諗唔到整乜卡通/意境/圖像~
又或者主食根本就砌唔到character,
用籤拮住佢啦! 即刻有驚喜!
仲有呢~~如果食物整到樣樣衰衰~~
拮支籤遮遮掩掩又搞掂咗!!
有啲喺APITA、LOG-ON、$12店買~~
用個工具盒排好佢~
媽媽用都用得開心啲!
續下頁
有啲去日本旅行時入手 (好多都好靚!)
Loft, Tokyu Hands, 百貨公司家品部都有好多~
?注意?
畀幼稚園小朋友用嘅食物籤,
用叉仔會比用箭頭好,
冇咁容易拮到佢哋~~
$12店有啲箭頭真係好尖ga! 小心小心!
煎餃子 / 飯團,
通常會跟一小支豉油 / 鮮露 / 喼汁畀pok,
(唔使裝滿, 少少就OK~)
$12 店有呢種揤揤樽~
質地杰啲嘅醬料如茄汁、沙津醬可用闊口盒仔~
(from LOG-ON)
如果午餐盒食物咁啱冇乜綠色食物,
我有時會加silicon綠葉 / 防菌膠膜間隔~~
令到顏色豐富啲~
主食: 豉油飯團
主菜: 蒸蛋
配菜: 西蘭花 (墊底) & 士多啤梨
續下頁
搓公仔 / 動物飯團,
最好其實還是用手隔著保鮮紙搓~
如果要快,
都有啲工具可以幫手~
熊貓模喺淘寶淘的~~
(點知中伏~~個紫菜cutter完全cut唔到!)
只係個飯團模可以用~~
(好唔環保好浪費!! 勁後悔~)
後尾都係要去LOG-ON買個正版~
又係嗰幾個字 “一分錢一分貨”!
紫菜cutter真係唔可以貪平~
Cookie cutter 用來cut麵包、芝士、火腿等等食材~
有啲淘寶、有啲日本Tokyu Hands買~~
淘寶超多不同character嘅cookie cutter~~
呢次冇中伏, 值得推介!
⬇字母cookie cutter購自淘寶⬇
貓先生家庭烘焙館
始終都係跟咗我好多年嘅紫菜cutter好用啲,
當年喺Tokyu Hands買,
唔知而家仲有冇呢個款?
LOG-ON有其他新出的, 但都唔夠呢個好用!
可以整出好多表情~~
蔬菜cutter使用率非常高,
值得入手! (from APITA)
差不多每日都會用蒞cut紅蘿蔔, 芝士~~
半圓形可以做熊仔耳、楕圓可以做鼻子…..
鉗更加係用紫菜砌表情時不可缺少的工具!
小腳板單單用大圓&細圓芝士砌成~~
好簡單呢!
主食：紫菜飯團 (入面加咗飯素)
主菜：照燒雞扒
配菜：蔬菜腐皮卷、西蘭花
下次講吓食材啦!
Pok家生活軼事
