「 平凡媽媽 」自家製肥皂幫到手

媽媽級店主 自家研發

最初他們的店不多，當時只有黃大仙老店、紅磡店，我去到黃大仙老店，遠遠已經見到要排長 龍。店主是一位育有兩女的媽媽，店內的產品都是她研發，她在店內很耐心解答顧客的問題，通常都是問各種肥皂的用途、功效。

初時接觸到「 平凡媽媽 」的產品，我第一次就買他們的皇牌——「家事皂」，又名「白兔仔」的產品，裏面成分有薯仔，用來清潔一流。我用「白兔仔」洗過很多東西，發黃的衫領、袖口、波鞋、任何污漬、茶漬……我覺得幾萬能，基本上用完都可以白雪雪。有小朋友後，姐姐用它來洗BB的紗巾、口水肩、BB衫污漬，她大讚好用。

另外，我試過他們的金盞花膏，可以用來「看門口」，BB有濕疹、皮膚痕癢、抓損，我都搽金盞花膏，有消炎殺菌的功效，搽幾次就好。媽媽都可以搽，有暗瘡又搽得。

我鍾意他們的產品成分天然，適合大人、小朋友，大部分產品孕婦都啱用。除了各款清潔、潔面皂，他們的產品愈出愈多，好似面霜、面膜、防曬霜、潤唇膏、洗髮 水、止汗劑、蚊怕水。你未必知道邊款潔面皂或者產品啱你，即管問店員，他們會因應你的需要給予意見。 平凡媽媽 這一年開了不少分店，慶幸我屋企樓下有一間， 方便補給。

如果有興趣，可以去 平凡媽媽 facebook同網頁（www.soapmum.com）睇吓，網頁羅列了大部分產品的資料、成分、功效、價錢，非常清楚，我見可以在網上購買。而facebook就有很多媽媽用家分享，可以參考一下。除了黃大仙老店，紅磡、荃灣、馬鞍山、坑口、太古坊、中環（補給站）都有分店，留意逢星期日及公眾假期休息，兼且只收現金。