【幼兒食譜】健康茶點 白蘆筍紅蘿蔔迷你蛋卷
廣告
以前BELLA嘅下午茶點都離不開乳酪，蛋糕仔、餅、蘋果等，最近佢好似已經厭倦，而且大個食量亦多咗，有時見到我買下午茶，又想分杯羹，但阿媽食嘅多數煎炸無益，所以諗咗個快速簡單又唔會單調嘅茶點煮比佢，只係用咗雞蛋，白蘆薈同紅蘿蔔呢啲健康食材做。
撰文、圖：許許與小BELLA ｜編輯：Sunday Kiss
《幼兒健康茶點：白蘆筍紅蘿蔔迷你蛋卷》
雞蛋真係可以跟不同食材配搭，做出好多種唔同嘅料理 。今次只係用咗雞蛋，白蘆薈同紅蘿蔔呢啲健康食材做個蛋卷，十分好味。
材料
1/ 白蘆筍兩至三枝（視乎食量需要）
2/ 蛋兩隻
3/ 紅蘿蔔四至五片
做法
1. 先將白蘆筍去皮，切去根部。紅蘿蔔去皮後，打直切半，用刨皮器刨出一片片長條薄片。把白蘆荀及紅蘿蔔片隔水蒸8分鐘，然後瀝乾水備用。
雞蛋打勻，有需要可加些許鹽。
預熱平底鑊，放少少油，油滾後轉中火，倒入蛋液，離鑊轉動平底鑊，讓蛋液平均分怖鑊中，之後可放回爐頭直至蛋液形成蛋皮後熄火。
蛋皮待涼一點後，放入白蘆筍，用蛋皮卷起，然後再鋪紅蘿蔔片再卷至末端。
出用蛋卷，切小段，即成。
食用時可配車厘茄或水果同吃，健康豐富，大人細佬都食得。
