懷孕 便秘 救星A+B

孕期反應人人都有少少唔同，初孕無胃口、口啖啖，我都唔例外，嘢又唔想食，水都唔想飲，成日胃脹胃痛，有次重胃酸倒流有火燒心嘅情況，所以初孕時期比懷孕前輕咗幾Kg。

每朝早餐麥皮麥片+香蕉+乳酪+鮮奶以為夠晒乖啦，衰就衰在初孕時好為食，薯片餅乾起勢咁食，大肚又唔可以飲涼茶，令 便秘 問題出現喺早孕期。

無大便亦無便意，個肚實晒，感覺到個人好熱氣，口又臭放屁時連自己都頂唔順，最慘係懷孕期間又唔可以飲涼茶之類，所以我試咗好多坊間通大便嘅方法。以下六種方法唔係無效，好多人都萬試萬靈，有 便秘嘅 朋友不妨試試，包括：

1/ 西梅-食新鮮西梅或飲西梅汁

2/ 蜜糖-紐西蘭蜂膠

3/ 乳酪-早餐時搭套

4/ 小麥肧芽-早餐時搭配麥皮

5/ 奇異果-酸到流眼水照食

6/ 按摩-主要係按肚邊浴腸道打圈

最近亂打亂撞下發現好野！我嘅懷孕便秘救星A+B就係檸檬+香蕉，當日我飲完檸水再食香蕉，都唔駛十五分鐘就嚟料，如果你都有 便秘 問題，事不宜遲，試試佢啦， 便秘 唔舒緩會生痔瘡㗎。

最後喺度都提醒返，要解決 便秘 問題，除咗食療，定期坐廁所嘅習慣係其中一樣最好嘅方法。另外，如果真係排唔到出嚟都唔好強迫自己，因為過度用力係會令血管擴張，從而產生痔瘡嘅問題，祝大家早日通便！