【筋肉寶寶養育記】母親有感 當大情人遇上小情人
廣告
「女兒係爸爸既前世情人(小情人)、兒子係媽媽既前世情人(小情人)」以上依句相信大家都會成日聽到，依句說話好多時會用係爸爸同女兒之間既關係，但身為現實中既大情人(老婆或老公)心情又會係點呢？首先我生既筋肉寶寶是囝囝，所以我會以我作為媽媽照顧囝囝既角度去睇。
撰文、圖片：Kylife與二寶之日常｜編輯：YIU
當大情人遇上小情人
大情人係由一開始就陪係自己身邊既人，而且無大情人根本唔會有小情人既出現，只不過媽媽同小情人之間既連繫早係確認懷孕就已經開始，經過懷胎十月無數次只有兩個人的互動，心情上的確已經有變化。
好似我自己從無諗過做媽媽之後會有咩變化，不過BB出世後發覺自己對佢既重要性，當下母愛就湧出嚟，到宜家大情人成日見到我母愛氾濫，特別係餵奶同埋BB主動攬埋嚟既時候。
上面驟眼睇落好正常，只不過問題出現啦！！
最近大情人一直投訴我整個人心思都放在小情人身上，完全無理過佢感受！
我諗唔少媽媽都面對過上述既指控，但實際上盡心盡力24小時Standby照顧好小情人係100%出自媽媽既天性同本能，亦都可以講因為最近真係唔少慘劇發生，所以自己緊張都係情有可原。
另一方面，小情人根本未到能夠以言語表達感受既時候，所以媽媽給予適切既回應都係應該嫁！不過我講完依個答案，大情人依然唔太滿意。
雖然大情人不斷投訴，但我知佢一樣好愛鍚小情人，每次小情人一對住佢笑，佢係即刻勁開心！
而且我知道小情人慢慢長大會開始想同爸爸玩，到時候爸爸出動玩具攻勢，我相信小情人會即刻衝上去，所以麻煩大情人宜家比媽媽好好享受同小情人相處既時光，而實際上我都好想講「其實我真係好享受宜家同小情人既互動！所以大情人請先別呷醋呀！」
我哋專頁內爆like post分享
明愛慈善買X 20蚊BB單車 X 筋肉寶寶新玩具http://bit.ly/2FbEGnc
#荷花2019春季BB展VIP媽媽#Kylife與二寶之日常專頁
駐站專欄#Ohpama! #Sundaykiss #Presslogic #媽媽經 #Ubaby #親子01
嚟緊將分享以下有趣資訊！#淘寶分享 #嬰幼兒好物推介 #親子好去處
