母親節特別版太陽花裙

呢份母親節禮物咁特別咁有心思，梗係鍾意啦！

Keicy 同 Kassy 話鍾意 Frozen 入面 Anna 最新嗰條裙嘅顏色，所以就揀佢嚟包住黃色嘅太陽花。

我靈機一觸，即刻知道點樣將扎花變成一條裙！

喺深水埗買咗藍色嘅色丁布，再喺入面加軟魚骨，做到一把雨傘咁拱起，令條裙唔會凹落去同軟淋淋，所以倒轉咗都可以成扎花咁樣捧住。

而底部就用針線穿啲花上去，再用熱熔膠槍固定。
一掀起條裙就會見到好多朵太陽花，總共大約一百朵。

靈感嚟自Keicy同Kassy嘅母親節特別版太陽花裙，帶畀我一個精采、窩心嘅母親節！

喺度祝全世界嘅媽媽，母親節快樂！