海、陸、空玩盡….360水鄉情懷深度遊

其實自上次我地嘅萌遊昂坪360之後，小小豬成日都話好想再去搭纜車，又話搭完纜車再搭巴士去大澳，見佢咁期待，所以就滿足下佢，嚟參加360水鄉情懷深度遊啦！

經過上次一坐，小小豬都可以話愛上左搭纜車，所以佢係等上纜車都已經好興奮啦~

YEAH…終於到佢上車啦~

上次都仲要有少少WARM-UP時間，今次完全唔洗，一嚟就對個水晶車底好有興趣，不停研究纜車下嘅風景~

坦白講，其實今早起身時天色都唔係咁好，所以我都有一刻打算改過另一日先去，不過好在天公造美，我地出發時天氣非常好，只係去到一個山有啲霧包圍住，依一刻又真係幾有仙景FEEL，幾靚呀~

過左座山遠離左啲霧，小小豬又繼續可以睇風景了~

當然又要嚟個指定動作~

小小豬今次仲大膽，成個人瞓係度添~

到達昂坪之後，我地就跟住領隊哥哥，帶我地去遊天壇大佛及寶蓮寺~

續下頁

原來係昂坪對出依一段小路嘅十二生肖像都有一個故事，領隊哥哥好用心咁慢慢同我地講解呀~

由於時間關係，我地只可以係天壇大佛下聽領隊哥哥嘅講解，咁都好….唔洗我行咁多級樓梯上去，如果唔係我實攰到爆炸呀~

之後再去參觀寶蓮寺~

續下頁-沙律妹出沒!

同團都有另一位小妹妹參加，佢地兩個小朋友一見如故，基本上之後全程都孖住玩。其實我第一眼就覺得依位妹妹好熟口面，原來我冇記錯，真係Super Kisstar冠軍沙律妹，我之前都有睇佢啲短片，佢真係勁可愛呀~

行左一陣我地就坐旅遊巴向大澳出發~

依個小小豬有朋友仔就唔要我，要同沙律妹齊齊坐呀~

嚟到大澳第一個目的地，就當然係小小豬至愛，因為我地去食大澳出名特大魚蛋同埋豆腐花呀~

嘩….粒魚蛋真係好大粒，仲要勁彈牙，小小豬都食左兩大粒呀~

豆腐花都好香豆味，而且都算幾大碗，所以食完都真係好飽飽呀~

不過…講到全場推介，一定係食個鹵水大墨魚，大大隻嘅墨魚咬入口有啲似鮑魚嘅口感，真係超級好味呀~

下頁：搵中華白海豚

食飽飽之後，就嚟到我地今日其中一個重點活動，就係去搭小艇去搵中華白海豚呀~

為安全起見開船前小朋友要著上救生衣先~

一上小船小小豬就已經勁興奮，仲好期待可以見到中華白海豚，所以佢都好留心係海面望，希望可以見到~

沿途領隊哥哥仲為我地介紹大澳文物酒店及將軍石嘅故事添~

到底搵唔搵到中華白海豚?

小小豬都好留心搵中華白海豚，不過都係失望而回~

領隊哥哥話今日天氣都比較冷，所以不利中華白海豚活動，仲話夏天時候見白海豚機會大啲呀！雖然見唔到中華白海豚，不過第一次搭小船出海嘅小小豬都覺得好興奮，所以都當係一個體驗啦~

小船出完大海之後，就慢慢步向避風塘，領隊哥哥就為我地介紹棚屋嘅歷史~

小小豬對棚屋都好有興趣，又嚟十萬個為什麼，好在領隊哥哥耐性都向小小豬解釋~

我地就前住其中一間棚屋參觀，領隊哥哥亦一一道出昔日漁家生活事~

續下頁

之後大家慢慢步行出大澳大街，領隊哥哥話依條新基大僑係睇大澳風景係最靚嘅，所以大家都留左一陣，感受下大澳水鄉情懷呀~

到左我地嘅自由活動，兩位小朋友又研究緊去邊度玩哦~

不過….由於時間有限，所以我地都係周圍行下影相啦~

當然唔少得去拎埋我地嘅小禮物啦~

入得嚟大澳，緊係要買返少少地道手信，其實咪又係啱我嘅煮飯嘢…哈哈哈~

不過勁攪笑，我一邊揀小小豬就一邊嘈，叫我唔好再買啦，因為冇船返東涌啦，真係俾佢激C呀~

最後用埋最後一個SHOPPING TIME，買左一片冰菠蘿食，真係好滋味呀~

玩左成日，兩位小朋友都開始冇電了，坐定定等船嚟搭返出東涌啦~

我地地回程就係由大澳碼頭搭船去到東涌碼頭，船程都只係大約30分鐘，估唔到又真係咁快哦！

今日真係可以話超級滿足，真係海、陸、空一日就玩晒，而且活動同我地平日所接觸嘅好唔同，可以遠離繁忙城市，係小漁村內慢慢感受，唔好話小朋友，就連我地大人都覺得好舒服。

小小豬就已經計劃左暑假一定要帶埋DADDY再嚟一次，仲話希望到時可以見到中華白海豚咁話呀！

BY 小小豬的成長日誌