澳門親子之旅：暢玩澳門科學館

成人票價$25，小朋友就$15，我覺得票價都合理，幾十蚊就可以玩餐飽…哈哈哈！拎住啲行李玩會好唔方便？其實係展覽廳入口旁有一個自助行李寄存，可以俾大家存放行李，最重要就係….費用全免呀~

未正式進入展覽廳之前，旁邊有一個親子互動區，其實就即係一個兒童遊戲區，可以話未出發就可以先放電~

一見到依個遊戲區，小小豬當然又嚟心心眼，就俾佢玩一陣啦~

好啦….我地嘅戲肉嚟啦，終於入各展覽區玩啦~

原來整個展覽館都有好多層，好多唔同嘅題材，唔怪之得朋友仔話要留係度玩大半日先得呀~

由於第一及二館進行維修，所以小小豬一嚟就係去最啱佢玩嘅兒童樂園廳，睇個名就知入面係專俾小朋友玩啦。

續下頁

其實入面係分左兩部分，首先就係一啲小遊戲等小朋友學習一啲簡單日常生活中都會面對嘅科學智識~

另一部分就好似一個模疑地盤工作，所以大人同小朋友都要著上安全套裝呀~

續下頁

係依個小地盤入面，小朋友就可以利用一啲棉膠做成嘅小磚頭嚟起屋..運送..等等。其實當中都包含一啲科學原理，不過小小豬都一於好少理，好忙咁不停周圍玩呀~

續下頁

離開兒童樂園廳之後，原來仲有一個更加好玩嘅地方，就係先童科學廳。其實依個可以話係一個玩水樂園，因為係以水為主題，利用水嘅唔同特性等小朋友寓學習於娛樂~

有得玩水小小豬當然係極度興奮，佢仲投入到玩到兩隻手袖濕晒，真係攪到我唔知好嬲定好笑呀~

續下頁

之後我地就去科學快車廳~

其實依個就係一個小小嘅科學啟發區，有啲小遊戲可以加深小朋友嘅科學認知。雖然啲小遊戲冇之前兩區咁刺激好玩，不過小小都一樣玩得好投入呀~

之後我地就去到機械人廳，初時都以為冇嘢啱小小豬玩，但原來都係好吸引，先嚟同機械人比賽砌圖~

之後就俾啲指示機械人拎行李~

仲可以同機械人一齊捉圍棋，我地都玩左唔知好幾十次，每一次都係機械人嬴，所以真係人腦不及電腦呀~

接住我地就去聲學廳，小小豬一向都幾鐘意音樂，所以佢係依度見到好多唔同種類嘅發聲樂器，所以佢都玩得不知幾興奮呀~

續下頁

之後我地都路經地球廳、DNA廳同環保廳，其實依啲題目唔好話小小豬，就連我都覺得有啲深(哈哈哈)，所以我地都只係簡單行一轉啦~

嚟到運動健康廳，原來又係一個好好玩嘅地方，入面有好幾個唔同嘅測試區，等我地可以了解自己身體體質，估唔到平日都少正式運動嘅小小豬係啲評估都合格哦~

原來仲有一個運動競技廳可以俾小小豬玩，入面有好幾個唔同種類嘅模疑電腦運動~

仲有一個籃球場可以隨便打籃球添~

最後一個展廳就係食物科學廳，依度展廳主要係講解食物營養、食品安全及煮食的科學原理。唔好睇少依度只係電腦遊戲多，好幾個電腦程式都拎左獎，易明又好玩呀~

唔覺唔覺我地玩晒十四個展廳，都用左約唔多四個幾鐘，唔怪之得好多朋友仔話嚟要行大半日，經過今次之旅…..我真係信啦！

其實又真係幾好玩，一次過可以接觸到唔同類型嘅小遊戲，雖然小小豬都可能未必明白當中與科學嘅關係，但佢每一項遊戲都係玩得好投入，又嚟問題BB上身咁每事問，我想佢都應該有少少得著。所以都幾值得向各朋友仔推介依個咁好玩嘅地方呀！

臨離開時，當然唔少得我嚟科學館嘅其中一個目的，就係嚟影心心樹啦~

哈哈哈….雖然明知係依靠人手修飾做成，但見到心心機嗰一刻又真係嘩…嘩…嘩左幾聲，因為真係好靚好特別呀！