痛痛！又畀櫃門櫃桶撞親夾親！

Kassy 今日又畀櫃桶撞親喇，仲撞到瘀咗一大笪，佢喊到死，我就心都實埋！:(
望清楚個位置其實好近隻眼，真係好牙煙！

小朋友呵返，轉個頭就唔記得件事，不過身為家長要做返啲嘢嚟保護佢哋，除咗必備嘅防撞膠邊，更仲要係小朋友好奇心重，會開櫃桶摷晒啲嘢出嚟，有時入面收埋咗啲較剪、利器、尖嘅物件，或者唔想畀佢哋掂倒嘅嘢，所以都擔心 Kassy 同 Par Par 會有危險。

幼童肌肉力量不足，櫃門開開吓唔夠力閂埋時就會夾親手，囝囡成日都會因為咁而唔小心夾親啲手指，正所謂「傷在兒女身，痛在阿娘心」，所以我決定要買啲嘢返嚟鎖實佢，不過之前喺坊間搵倒嘅，只有一啲硬身嘅鎖，而且只可以用喺雙門櫃嘅櫃門，向出拉嘅櫃桶就冇辦法鎖住。

不過呢隻牌子嘅櫃桶鎖，就可以同時鎖住雙門櫃嘅櫃門，以及向出拉嘅櫃桶，其他設計嘅櫃桶都一樣得！質料方面仲好好，軟身嘅物料加埋一撳就用得嘅特強黏貼，可以黐得更實！

成個鎖嘅物料都係不含有毒物質（無 18 種 PAHs, 10 種有機鍚化合物及8種塑化劑）、不含雙酚 A、不含重金屬（符合歐盟 19 項重金屬檢測標準），都係嗰句，唔識化學成分名稱唔緊要，過到歐盟檢測嘅產品就可以放心用！^^

除咗用料安全，開鎖設計都一樣有心思，我每次都要做幾個步驟，先可以扭開個雙重鎖，咁樣 Kassy 同 Par Par 就冇咁容易開到，以後喺屋企會安全啲，唔駛驚夾親手指，亦都唔駛驚佢哋攞倒櫃桶入面嘅危險物品。

溫馨提示：
想貼得夠實，就一定要確保表面夠平滑同乾淨，仲要貼咗三個鐘頭後先好開始用呀！^^

想知產品更多資訊，可以去我嘅 facebook（KeicyKK）瀏覽。