科學園燦爛 櫻花 為你開

早前我地入嚟科學園參加「動感科學園地－鬥智復活城」，係我剛剛去到科學園嘅時間，係金蛋下都已經有幾棵櫻花樹開左，不過由於我地要趕住去參加活動，所以冇第一時間行去睇~

當小小豬參加晒所有活動之後，我緊係要嚟睇下依咁靚嘅櫻花樹啦。其實係金蛋對出嘅小花園都係種左好幾棵櫻花樹，不過就以這兩棵開得特別燦爛~

一見到咁靚嘅櫻花我都真係連豬仔都唔要，佢地兩父子就係個花園度比賽跑步，我自己就不停係度打花。其實唔止我，在場都有好多打花之人係度不停影，佢地嘅器材都好利害，又長又大嘅鏡頭，我只係用部5N機，見到都有點比下去，可想言之依幾棵櫻花威力都幾大。

雖然我嘅相機唔算好專業(哈哈哈…專業用嚟打豬就夠啦)，不過係我鏡頭下嘅櫻花都影得幾靚呀~

續下頁

仲有小蜜蜂添~

其實今日入科學園都完全冇諗過會多見到啲櫻花，事前我連留意都冇，所以真係可以話係一個意外收獲。

見到啲咁靚嘅櫻花，真係人都特別開心啲。依家知道有一個睇櫻花咁好嘅地方，真係令我更加鐘意入嚟科學園玩，唔知下次入嚟會唔會再見到啲櫻花呢！

BY 小小豬的成長日誌