一站式吃喝玩樂童學日

`

呢日帶咗 Keicy、Kassy 去一個專為小朋友而設嘅酒店活動，原先以為只有飲飲食食，估唔到仲有得學跳街舞、睇魔術表演、整機械人、學整復活節蛋同壽司……

有得玩又有嘢學，當然係最佳親子活動啦！^^

`

一入到場館，就見到咁靚嘅飲品。

原來呢啲係得獎調酒師 Bryson Rivera 調製嘅特色飲品，好好味呀！

`

我哋第一樣玩嘅，係整朱古力復活蛋。

Keicy 同 Kassy 即學即用，化身小廚神！

我整嘅朱古力復活蛋，想唔想試吓呢？^^

`

我攞畀你食吖！:q

`

整完嘢食，有少少肚餓，跟住去咗食 buffet 醫肚，嘻嘻！

`

食完嘢，最啱就係做少少手工，幫助消化兼培養冒險精神。

Keicy 同 Kassy 雖然係女仔，不過都全神貫注，好比心機咁砌！

證明玩機械人唔係男仔嘅專利，哈哈！

`

烹飪同手工活動，可以激發小朋友的好奇心，原來係真嘅！

早排同 Keicy 去過壽司店食嘢，當佢見到現場有人教整壽司，唔使我問，佢就話要即刻去學喇！

`

喺影緊即影即有嘅時候……

竟然遇到晚晚喺電視劇《公公出宮》出現嘅 YiuB！

上次 Keicy 同 YiuB 拍完廣告，已經有一段時間冇見，不過一見返就雞啄唔斷，之後仲一齊揀相框同影相^^

`

Keicy 一直都有學跳舞，亦都好鍾意跳舞。

不過講到街舞，劉小華絕對係老師級喇！

Keicy 同劉小華嘅第一次見面，係喺杜文澤一部電影嘅片場，

所以佢哋一見面，都話好想入戲院見返自己！

希望電影上畫嘅時候，可以一齊入場睇啦！^^

`

一家人去玩，當然要令每位小朋友都盡興啦，今次吃、喝、玩、樂全部有齊，仲有得「集郵」，Keicy 同 Kassy 返到屋企都話好好玩、好難忘。

見到兩個囡咁開心，我呢位媽媽當然一樣開心又滿足啦！

下次帶埋 Par Par 嚟玩先！^^

`

`

FB: KeicyKK