又到年宵開鑼！維園當然就是第一天的首選, 日光日白行年宵, 可以避免入夜後人山人海…我們今日2點到逹.
與去年一樣, 年宵首日又是在周末, 所以中午時份已經很多人…
我們第一眼就被布佬托吸引了去吃糖, SY:「E隻糖我最鍾意食, 中間有公仔架….」
最愛吃硬糖的小朋友更加獲HEY CANDY 姐姐多送3包試食, 開心到不得了.
184號檔HEY CANDY 「糖狗」
$128 新春限定版
啱Channel 今年也有擺攤位, 有混血肥仔及芊蕙子, 但我想同蝦條哥合照…
芊蕙子:「蝦條哥要夜晚先過嚟呀!」SY:「E隻狗仔細咁多?」
芊蕙子:「我哋D單身狗, 全部係阿寶設計架, 因為驚單身朋友寂寞, 所以就設計出嚟陪佢吔」
肥仔:「女士們攬住最大E隻肥狗睇電視好正架」(肥狗係咪以你做藍本?)
51號舖「啱Channel」
單身肥狗大攬枕 $398
單身狗公仔 $198
阿太指定要去100毛, 阿太:「我想搵東方昇呀!佢有符水賣呀!」(咩符水)
店員:「無糖嘅, 有氣嘅水, 符就有7款, 全部都係貼紙嚟架」(阿太: 我要另一半聽教聽話)
我見到東方昇說:「我老婆買個 “另一半聽教聽話 ” 符, 你有冇解策方法?」, 東:「無架啦…你唯有乖乖聽教聽話」(吓??)
43 -44 號舖 「100毛」
東方昇開運符水 $20
我見到最吸引我的, 一定是一班公主全部變晒狗…
灰姑娘, 白雪, ELSA, 小漁仙….店員:「後面仲有祝福語」, SY:「係喎…ELSA狗後面係冰雪聰明喎」
我:「最受歡迎係邊度呀?」, 店員:「小漁仙….後面寫”我真係恭喜你呀!」( 哦! 嘉欣)
83號檔「狗公主」
各$168
A區有一檔賣Pokemon/Line公仔揮春 $50 , SY遠遠見到大叫:「卡比獸呀!」
我反而被他們的「公仔利是封$50/3包 (共9個)」所吸引…阿太:「D朋友收咗之後可以拆出嚟, 做杯墊喎」
我:「但係好似…會唔會係假嘅呢?」SY:「佢矇眼係因為百變怪變出嚟…唔係假」
再向前走…有一男一女道士在高梯上大叫宣傳…店員:「小朋友買返本通勝啦…可以放你同爹D媽咪嘅相架」
SY:「係真架?」, 店員:「係其中一日囉…」(咁通勝應該無假嘅)
83號檔 「通通通勝」
通勝攬枕 $238
出前一丁, 可樂, 金寶湯全部變狗…大大個的咕臣, 阿太:「個出前一丁幾似喎」
SY:「個公仔變咗隻狗」, 我:「金寶湯都似吖, 不過真係丁麵Cute好多」
147號檔「狗樓雅座」
攬枕 各 $150 – $200
我不知道這副膠黑超的來源, 但眼見又的確有人途經又即時付款…我問店員:「其實係咪好Hit?」
店員:「係呀! Youtube 好Hit架…你Search嚟睇吓」(叔叔真係OUT…借嚟拍段片先再上Youtube)
137號檔「Rocketmon」
黑超$20
店員:「全場最醜柴犬, 最醜屎人呀! 過嚟睇吓啦」我:「你個妝好正喎…同隻公仔一樣」
131號檔「WWW DOG」
全場最醜屎人 $350
全場最醜柴犬 $210
其實, 我們周圍走亦同時周圍食, 當然價錢就一定貴, 但也有不錯選擇, 牛肋肉粉絲 $40 很入味, 很腍, 很正喎..
榴蓮印度薄餅 $20, 趁熱食最正…店員:「我哋真係用鮮榴槤架」
阿太:「真係好香榴槤味喎, 如果你頭先無又影相又影片, 無咁凍真係超正」
我和SY都是芋圓控, 眼見大大隻字寫 $20… 店員:「花生芝麻任你落架」
可惜, 原來碗仔細細, 三款芋圓, 地瓜圓全部都只是得3粒…雖然夠大粒, 但真的不太抵. 我:「真係紅磡抵好多…」, SY:「梗係啦, 維園賣維他奶都廿蚊一支啦」
日期: 2018年2月10日 – 16日
地點: 銅鑼灣維多利亞公園
大仁生活facebook
