想同屋企人佳節去玩，但年尾所剩嘅假又唔多，唔怕！喺香港就已經有個坐車就可以去到、臨海而建嘅「世外桃源」——香港 愉景灣 酒店，最啱帶埋小朋友嚟個兩日一夜嘅短途旅行。喺佳節期間，會有聖誕老人大派禮物、近距離魔術表演、夢幻馬車，以及應節薑餅人、聖誕水晶球等手工工作坊，包保玩到樂而忘返！

登上如童話般夢幻嘅馬車

聖誕老人於聖誕節11am – 12nn，將會坐聖誕馬車到酒店門前大派禮物，到時記得要把握機會，與聖誕老人同難得一見的馬車合照留念。大家更可以於指定時間，坐上充滿聖誕裝飾的馬車，感受暢遊的感覺。仲可以參加「親親馬兒」，同4隻馬匹作近距離接觸，唔好話小朋友，大人都一定會好興奮！

發揮創意應節手作坊

小朋友可以喺Kids Club製作聖誕水晶球，發揮小朋友天馬行空嘅無窮創意，利用泥膠做出各種聖誕造型公仔，放入水晶球，難度唔算好高，但完成之後好有成功感，整完仲可帶走作為聖誕禮物送俾爹地媽咪！

豐富聖誕自助餐

酒店嘅Café bord de Mer & Lounge喺12月24日至26日、31日及2017年1月1日推出聖誕自助餐，提供海鮮、經典聖誕烤火雞、精緻聖誕甜品等多款美食。全部都色香味俱全，只係睇見都已經流晒口水，而且每款烹調方式都非常講究，一試難忘。成人每位$388起、小童每位$228起。

五道菜聖誕特色晚餐

除咗自助餐，The Bounty Entertainment & Sports Bar亦有推出五道菜聖誕晚餐，適合花多眼亂會唔知點揀好嘅朋友，成人每位$518。另外，24及25日聖誕老人更會穿梭酒店多個角落派聖誕禮物，魔術師也會出現，走到賓客面前作近距離魔術表演，現場亦會設有live band，好有氣氛。

除夕倒數派對

12月31日除夕夜酒店大堂將舉行除夕倒數派對，設有live band之外，踏入2017年的一刻更有數以百計嘅氣球應聲而下，萬勿錯過！另外，The Bounty Entertainment & Sports Bar都有倒數派對（每位原價$428，早鳥優惠價$328），由除夕10pm至元旦日1am提供 3 小時任飲氣泡酒、啤酒及汽水，同埋任食小食。同樣設有現場樂隊，大家一定能盡興狂歡！

聖誕住宿優惠（兩位用）

日期：12月23至27日、12月30日至2017年1月1日
內容包括：山景客房1晚、2人享用自助早餐及佳節自助晚餐
價錢：$2,288起（另加$350起，同行小朋友可共享優惠，並可獲得神秘小禮物1份）

甜蜜聖誕住宿優惠（兩位用）

日期：12月24至25日
內容包括：山景客房1晚、2人享用自助早餐及五道菜聖誕晚餐
價錢：$2,788起（另加$610起，同行小朋友可共享優惠）
*所有價錢另收加一服務費
優惠受有關條款及細則約束

享受至嘆蠟燭按摩

小朋友有得玩，爸爸媽媽都一樣有得盡情放鬆。Spa Botanica特別推出意大利有機蠟燭全身按摩，60分鐘療程$1,090。

地址：香港大嶼山 愉景灣 海澄湖畔路88號
電話：2295 8288
網址：www.auberge discoverybay .com