肌膚熱到缺水?! 極速滋補 淡紋 要靠佢……
好在有 GHC 嘅系列急救肌膚，極速滋潤 淡紋 ，仲有好好用嘅防曬液陪我出街去旅行，令我繼續靚住玩盡暑假！
先講吓防曬液：
GHC UV Protector 胎盤防曬修護乳液
佢唔會好油好「立」，一搽上面就好快吸收，
更冇部分其他牌子嘅問題：好白、推唔倒、一撻撻。
我搽咗GHC UV Protector，唔使再化妝喇！
佢係我今期最愛！
仲帶埋佢去旅行，坐郵輪去日本！:)
今個夏日出街、去旅行，我都一定要帶住佢，一喺戶外地方，即搽！
跟住，講吓肌膚點樣極速滋潤淡紋。
呢個納米胎盤魔肌系列，係利用嶄新獨家嘅納米微脂囊傳導科技(Nanosome Technology)，以唔同大細嘅天然保濕納米微脂囊*(50-200nm)，將珍貴嘅胎盤素**包住，令裡面超微濃縮成分能夠均勻由表皮到真皮層釋放，達致持續長效嘅滋潤保護效果，令相對嘅吸收能力提升幾十倍。
*納米微脂囊：
微脂囊（Nanosome）係由好多小分子聚集而成嘅聚合體，主要成分係脂質，係人體細胞膜嘅主要組成成分。脂質喺水溶液中會聚集成一種叫「脂雙層」嘅結構，容易同細胞膜融合埋一齊，並同時將養分釋放到細胞內。喺美容用品之中，佢是扮演住傳送嘅角色，將最好嘅成份帶到細胞內，令皮膚細胞吸收，倍化療效。
**胎盤素：
胎盤素擁有人體天生孕育嘅自然功能，分泌多種維持細胞生長同分裂不可缺少嘅「細胞生長因子」，其萃取物蘊含嘅十種主要養分具有極大抗老療效：
－促進免疫細胞的增殖
－活化細胞
－加速細胞代謝率
－促進傷口的修補
－減少黑色素的形成
－抗炎
納米微脂囊能夠模仿皮膚細胞脂質填補細胞間空隙，激活肌膚細胞重生，極速修復天然保護層，令肌膚逆轉再生，平滑返晒，年輕亮澤。
GHC Ultimate AA Placental Therapy System
極緻AA胎盤魔肌系列試用心得：
1) 魔肌無痕眼霜 Timeless Eye Concentrate
可能我飲水少，所以我本身眼周肌膚都好掹掹緊，笑嘅時候感覺更加明顯。
我搽咗第 2 日，細紋好明顯已經淡咗。
搽咗 3-4 日，就見到好大改善，眼周肌膚唔會再掹住掹住！
唔好睇眼霜細細支，其實淨係用一粒米嘅份量就好夠、好吸收喇！
因為佢有可以緊緻輪廓嘅豐富活性成分（胎盤蛋白、蜂蠟、甘油、卵燐脂、戊二醇、角鯊烷），有效修復眼部周圍受損嘅肌膚，減淡眼部細紋，同時改善黑色素，兼收緊眼袋。
拜拜熊貓眼，拜拜眼紋。
第二朝瞓醒，黑色素同眼紋都淡咗！
2) 魔肌液 ProActive Moist Lotion
佢係水狀，類似toner咁樣。
不過唔駛整落棉花度，直接倒落隻手度，拍上塊面，等佢慢慢吸收就得。
建議喺潔面後，取充足份量，以輕柔向上拉嘅手法搽面同頸，令佢裡面嘅活性成份滲透肌膚，有效減低環境對皮膚造成嘅傷害，提升皮膚濕潤同緊緻度，做好胎盤美顏嘅第一步。
喺夏天，如果唔想太「立」，或者想偷懶（好似我咁，hehe），只用佢都夠潤，當然夜晚就唔可以啦！
3) 魔肌細胞精華 Complex System Serum
4) 魔肌滋養霜 Nourishing Finish Cream
想肌膚好似食咗花膠同燕窩咁，一定要用埋佢哋！^^
我嘅心得係，第 1 同第 2 個禮拜，用嘅份量多少少。
當肌底層吸收得夠，可以調節返，用返少啲，因為始終係夏天，份量唔使太多，都夠晒肌膚所需。
細細聲話畀你知，每次用完佢哋，我心入面都會大叫「嘩！好舒服呀！」
因為佢好補好吸收，好似夏天好頸渴，飲一大杯水後，「呀！好舒服呀！」，解決咗喉嚨好乾嘅感覺 🙂
最神奇嘅係，用咗佢哋，第二朝瞓醒覺，連淚溝位好粗嗰條紋，都淡咗！
眼周幼紋同乾紋，一兩日已經明顯淡咗好多，
唔會話要你用足 30 日，或者一個療程，先至有顯著嘅改變，正宗快．靚．正！
而且用咗一至三日，就明顯見到塊面上妝咗！
好多姊妹都知道，如果皮膚唔夠滋潤，
個妝可能會越化越衰，啲乾紋越嚟越出，
用咗魔肌細胞精華同面霜，就好似填平咗啲紋咁樣，
做到滋潤保濕﹑抗皺及肌膚提升功效之後，
再搽化妝品，就唔會好似入咗啲坑到咁，
個人都望落後生咗！
各位姊妹跟住我嘅步驟嚟用：
魔肌液－＞精華－＞眼霜－＞面霜
就會有我頭先講嘅效果！
然後點樣？
梗係去同陽光玩遊戲啦！哈哈！
