DIY自製天然止汗劑 | 噴霧+滾珠
撰文：荔枝與孖寶 | 圖片：荔枝與孖寶 | 編輯：Chloe
DIY天然止汗劑 噴霧+滾珠
但有留意到嗎？ 市面上好多止汗劑都可能含氯化鋁。而呢啲化學成分含有揮發性物質，堵塞出汗毛孔，而且長時間使用更有可能抽乾皮膚水份，有啲朋友更會因為咁而引起皮膚痕癢、紅腫。
再者市面好多止汗劑會加入唔同的合成香精，用以掩蓋汗味，好多朋友更都會對止汗劑內所含的化學成份產生敏感反應，引致皮膚痕癢、生粒粒、造成色素沉澱等問題，令大家最擔心的就係自己會買到含有防腐劑的，更怕怕化學合成物質累積，長遠對身體有害。
其實流汗係人體自然嘅降溫機制，當我地做激烈運動、緊張、或身處係高溫環境的時候，出汗根本係再自然不過的生理反應。
大家要要小心分辨「除臭」和「抑汗」，前者吸收味道，但並沒有妨礙排汗，最佳的體香劑就係加入成份全天然的精油，再者你要留意唔好係腋下搽含有鋁的産品。而後者抑汗就係令肌膚鎖住，等身體的汗水無法排出。
所以今次想同大家分享一齊自己動手DIY 2款成份全天然的止汗產品，做法好簡單，只需幾樣材料就可以了，而且性質溫和、成分天然可以有淡淡清香之餘，亦可以減少皮膚不適應的感覺。
DIY 天然止汗噴霧：
村料：
噴霧樽: 1個
金縷梅花水Witch Hazel Water / 蘋果醋: 25ml
蒸餾水: 75ml
絲柏精油 Cypress Essential Oil – 8 Drops
茶樹精油 Tea Tree Essential Oil – 8 Drops
檸檬精油 Lemon Essential Oil – 8 Drops
天竺葵精油 Geranium Essential Oil – 6 Drops
做法：
1. 把精油加入金縷梅花水Witch Hazel Water / 蘋果醋中
2. 搖勻之後，加入蒸餾水
3. 把成品加入內噴霧樽，就可以直接用噴係underarm啦
絲柏精油功效：收斂和平衡油脂分泌。
茶樹精油：天然抑菌劑，消毒抗菌，不刺激，有效改善皮膚狀況。
DIY 天然止汗滾珠：
材料：
滾珠樽: 1個
絲柏精油 Cypress Essential Oil – 5 Drops
檸檬精油 Lemon Essential Oil – 5 Drops
做法：
以20ml * 綜合複方純植物油 混合以上2 種精油在一起使用，有需要亦可以加入roll on樽，成為滾珠方便日常外出使用。
用法：
大家只要將腋毛清除乾淨，沐浴/腋下清潔後，搽在腋下即可。
綜合複方純植物油質感清爽，加入檸檬精油Lemon Essential Oil 及 絲柏精油Cypress Essential Oil，檸檬和絲柏精油混合使用，能調節身體機能，收歛過盛的汗水和油脂分泌，同時幫助抗菌及去除異味，淨化肌膚，成為很好的全天然止汗佳品。
而且氣味清淡，除腋下之外，一般手汗或腳汗過多的朋友連續使用一段時間後情況會有所收善。
其他建議可用嘅精油：
玫瑰草精油 Palmarosa Essential Oil
檸檬草精油 Lemongrass Essential Oil
P.S. * 綜合複方純植物油內含椰子油、芝麻種子油、葡萄籽油、甜杏仁油、小麥胚芽油、向日葵籽油、橄欖果油成份。
* 小心選擇，因為精油品質係非常重要。
當然如時間同環境許可，大量流汗之後都可以盡快沖涼，避免汗水同肌膚表面細菌作用產生臭味，如果真係唔方便沖涼亦可以考慮用清水沖洗或耆用濕紙巾來清理身體，避免汗水長時間停留係肌膚同衣物表面。
另外，生活飲食上亦可以改善異味。唔洗講大家都知道多飲水絕對有幫助。
之前看過一些學文提到多攝取好油脂亦可以幫助減少異味，此外多攝取葉綠素如深色蔬菜也有幫助的。
希望這次分享可以讓我們更了解如何動手做真正天然的體香劑，讓大家的鼻子都能舒服度過炎熱天!
我和孖寶的Facebook Page:荔枝與孖寶
我和孖寶的 Instagram IG#:laichimama
If there is any question or you looking for me and the boys, please feel free to contact LaiChiMaMa via Email:[email protected]
