西洋菜陳腎豬骨湯

其實煲湯嘅西洋菜除左好味之外，連同陳腎、南北杏、羅漢果再加豬骨一齊煲湯係可以有清燥潤肺，同埋健脾養胃功效呀！

西洋菜一斤、豬骨約$40、陳腎(即乾鴨腎)兩個、羅漢果半個、蜜棗四粒及南北杏少少！

將陳腎浸泡過夜之後，特軟身後切片待用~

將西洋菜剪開兩段，續少續少咁慢慢清洗，然後加少許鹽浸洗30分鐘~

豬骨洗淨汆水備用~

羅漢果洗淨壓碎，南北杏及蜜棗洗淨備用~

續下頁

將1.5L清水燒熱，然後放入所有材料~

待水再滾後轉低火煲兩個半小時~

加鹽作適當調味之後，熄火焗多30分鐘就可以飲得啦~

都係嗰句….千其唔好漏左啲湯料，可以食呀(仲好好味添)~

唔知係唔係好耐都冇煲依個湯，所以飲落又真係特別好味，連埋啲湯料一齊食，真係飯都唔洗食就已經好飽飽勁滿足啦！