【親子好去處】尖沙咀放電一日行程 海馬仔去玩
撰文&圖片：海馬媽媽
親子好去處 尖沙咀放電一日行程
去左邊？ 就係科學館對面既 香港歷史博物館，免費參觀 呀! 博物館的香港故事展區，展示香港發展的各個時期，由地球的形成 至 近代香港的發展，都有不同非常真實的模型展示出來，小寶寶們可置身其中體驗各時期！ 最重要係 唔多人！ 唔洗人迫人！
特備展覽：香港消防服務150年；展出多件文物、圖片及消防設備！（至2018年10月22日）
之後我們在外玩吹波波呢！
尖沙咀 日式放題親子餐廳
玩完歷史博物館，當然係食野時間！ 今次我地去了 日悅極尚日式放題 有咩特別？
就係「爸媽食日式放題，小朋友來玩耍放題」 這餐廳除平時的用餐地方外，附有小朋友玩耍遊戲室，大人在食食食時，小孩可到此消磨消磨！
食物：好多款式，刺身新鮮，壽司味道不錯 （飯不會很大舊），有炸物、熟食、粥麵烏冬，另有限量產品 ：銀鱈魚、牛柳粒、扇貝；也有飲品甜品區任飲任食
服務：都好友善，上菜都迅速，無漏單
優惠：滿6人送「一至四免費放題1人」優惠券1張，下次使用
環境：地方好闊落，不像一般放題店！ 地方也乾淨企理
遊戲室：小朋友是可在此消磨，但規模不像真的playhouse那樣豐富，海馬媽也覺只適合年齡比較小的小朋友玩 （4歲以下吧）
