澳門親子遊 開學開心澳門大旅行
未出發，先睇片！
[avrviframe id=”https://www.youtube.com/embed/xUxSqQC0Pec”]
Day 1
到埗午餐 @ Bene (班妮) 意大利餐廳
全新餐牌，全部都好好食。
特別介紹：燒乳豬
乳豬俾人嘅感覺好大碟, 原來又唔係喎！
一個正方形，細細碟、份量啱啱好，唔會好「漏」，
可以嗌多幾樣嘢食，大家一齊 share！
香脆鴨配甜橙茴香沙律及甜橙醬
誠意推介：佢哋午餐有 appetizer buffet ，有好多嘢食㗎！
仲有其他美食，包括：
巴馬火腿配哈蜜瓜
香濃芝士煙肉意大利粉
仲有更多
3 姊弟最鍾意當然係甜品同芝士啦！
Bene 嘅甜品真係樣樣都好出色！
驚喜 Check in
食完嘢，齊齊上房。
喜來登嘅家庭套房，裡面係大人一間房，小朋友一間房，中間有度門隔開，有私隱之餘，又唔會嘈親屋入面其他人。
[avrviframe id=”https://www.youtube.com/embed/BIa-SJaY9T8″]功夫熊貓主題廁所有個抵讚嘅細心位－腳踏，有咗佢，就唔使驚小朋友唔夠手長，或者唔夠高洗手。
而且如果一早 book 定，小朋友一入到房，就會見倒砌晒小朋友個名嘅波波，吊喺張床度。
除此之外，仲有一包包小禮物，每個小朋友都有公仔，又見到自己個名，又有氣球，3姊弟超開心，開晒 party 咁樣！
華麗刺激 Planet J冒險王國
上咗房，擺低啲嘢，休息一陣之後，就去咗Planet J冒險王國玩。
[avrviframe id=”https://www.youtube.com/embed/YUfNsWZXSb0″]呢個全球首個實況角色扮演主題樂園，地方超大（9,290 平方米），聽講總興建費用係10億元！
呢度好啱爸爸嚟，因為好多爸爸都鍾意打機。
而佢裡面有8 個互動專區，好似打機咁樣，打完一盤，要攞住部機過關，不過完全唔係屋企對住電視打機咁樣，呢度係真人過關，全身都要郁動，最啱好動嘅小朋友！
如果媽媽唔打機，都可以周圍影相，因為佢入面嘅裝修、佈置同公仔，全部都真心靚！
而且又有好多 character 嘅衫可以換，如果過咗關，就可以喺下一個地點，換升咗級嘅衫。
3姊弟玩得超 high！
火鍋 Buffet Dinner
[avrviframe id=”https://www.youtube.com/embed/VZC_Gy9YekQ”]好多嘢食就一定㗎啦，而佢最大特色係有部機，將成嚿牛肉一片片「片」出嚟！
而小朋友嘅 setting 一人一個細鍋，佢哋可以自己夾、自己揀，最重要係唔使爭嘢食，小朋友同媽媽都開心！哈哈！
飯後節目
食完嘢，大家喺 shopping mall 行咗一陣，跟住返上房，浸吓泡泡浴，跟住小朋友就瞓覺覺豬喇！
呢個時候，大人可以落樓下 lounge 度飲吓嘢，或者去賭場玩吓，仲可以睇吓 show，然後先返上房瞓覺。
Day 2
Room Service 早餐
為咗爭取多啲時間比小朋友瞓覺，我前一晚book定第二朝 10 點食 room service 早餐，而酒店真係好準時10點鐘，將早餐送到，仲 set 晒枱㖭！
枱底仲有個保溫箱，全部嘢食都係新鮮、熱辣辣，而且份量都幾足下，如果係普通食量，其實一兩個 set，就已經夠全家人share 嚟食。
放電之選 巴黎人Q立方王國
食完早餐，我哋去巴黎人嘅Q立方王國，因為地方大啲，室內室外空間都有，入面有好長嘅彩虹滑梯、炫彩波波池，城堡主題嘅攀爬架，又有得打機、睇電影、玩電腦，小朋友可以喺嗰度玩半日至一日，玩到肚餓仲可以食完嘢再玩過。
[avrviframe id=”https://www.youtube.com/embed/35_kW1SR9N4″]如果你有工人姐姐，呢個時候放心交畀佢照顧小朋友啦！佢哋識自己玩㗎喇！^^
其他大人就可以出去行街 shopping，或者去 sauna relax 吓，之後先返嚟接返啲小朋友，大家都唔會悶！
懷住依依不捨嘅心情……
玩完，食個晏，就返香港喇。
呢個澳門兩日一夜之旅，好快就完咗，3姊弟亦都好滿意，滿意到唔捨得走，我氹咗佢哋好耐先肯上船呀陰公……
補充資料：
由即日起至9月30日預訂「繽紛夏日樂」套票（港幣1,288++）即可享有：
• 二人入住豪華特大客房或豪華雙人客房
• 二人自助早餐或午餐（指定餐廳）
• 兩張金光飛航標準艙單程船票（澳門往香港或香港國際機場）或港幣200之餐廳及炫逸水療消費額
• 夏日娛樂券:
o 「Aqua World水世界」入場門票兩張；或，
o 「歷險Q立方」、「歷險Q立方2」或「Q立方王國」入場門票兩張 ；或，
o 「Planet J冒險王國」入場門票兩張及一本個人電子儀器「魔導卷」
