零出汗 超舒適玩轉 荔園
廣告
舊年喺中環嘅 荔園 , 係好玩嘅, 不過始終喺戶外, 好天曬落雨淋, 又熱到癲, 所以今年轉咗去機場博覽館, 玩得好舒服又開心, 啱哂怕熱嘅家長呀!
開心位:
1.全室內, 有冷氣, 地下同廁所都好乾淨!
2.冇太陽曬, 一啲熱嘅感覺都冇, 零出汗, 唔會曬親、熱親、焗親、中暑同頭暈.
3.地方夠大，每個遊戲都有足夠空間，唔會覺得迫夾，令家長放心，因為一迫、一多人，就會擔心小朋友好易唔見咗……
4.幾多嘢食, 仲好好味! ^^
`
2.做慈善
講到整 tee, 小朋友又畫又拎當然開心, 而入場人士每買一件 tee, 扣除成本後, 收益會捐畀慈善機構國際小母牛香港分會. 咁有意義, 值得支持!
`
3.夠清潔
小朋友玩嘅遊戲, 例如彈彈床, 會做好多次清潔.
行開行埋幾次, 都見到有遊戲喺每一兩節後, 進行20 分鐘清潔.
呢個時候, 幾位哥哥姐姐會好勤力咁周圍抹, 包括扶手、吹氣床、地下等等……
所以我好放心畀三姊弟玩巨型吹氣床, 盡情擒高擒低, 練吓手腳協調, 郁動吓.
身為家長嘅我, 睇完覺得好放心, 因為唔使怕小朋友會有手足口病, 或者感染其他細菌而病咗, 大家都知道細菌有幾惡啦.
唔好以為咁做係必然, 我極少喺其他同類地方, 見到清潔得咁密!
連喺地下嘅櫻花都好乾淨呀!
`
細心位:
1.防走失出入口設計
場館有一個入口同一個出口, 亦係唯一嘅入口同出口, 仲係左右門神咁放埋一齊.
而全場只有一層, 冇得上落其他樓層, 亦都冇後門出去, 所以小朋友都冇咁易走失, 感覺好安全!
爸爸媽媽要湊小朋友冇時間玩?
傻嘅! 你當然要等小朋友玩碰碰車玩到攰, 坐埋一邊休息緊, 有姐姐或者其他屋企人睇住嗰陣先玩啦! 嘻嘻!
FB: KeicyKK
