靖翹7歲Frozen生日會（籌辦+食物+活動）
不厭其煩地，靖小姐都想要一個
好笑嘅係
我未決地攪前一個月，佢已經請定小朋友嚟@.@
呢招幾高明！
唔該下次你尊重下攪個人好好喎~lol
好sweet嘅係，佢話生日會只係想請3個朋友嚟
無錯，只係3個！仲同埋人地講佢想去游水（因太多小朋友要照顧，最後被否決）同打保齡
恰巧同影曦靖翹一齊大嘅孖女咁啱喺香港，必定要請埋佢地！！！
加埋小朋力嘅兄弟姊妹同3A，一共10個小朋友
以前我攪過20-30個小朋友嘅生日會
最後只係覺得好攰同埋無咩時間同小朋友家長傾計聯誼
啲女慢慢大，就覺得攪細細地嘅生日會更貼心，更親切
每年生日，3A都可以揀一個day out或生日會
大大話話我都攪咗十幾次生日會，每次我攪都係親自裝飾、整野食同設計遊戲
今次生日會，係佢生日一個星期前我先決定攪
好彩唔係請好多人，個個都好畀面，全部嚟晒！YEAH!
裝飾 back drop + table setting：
我家族係手工人（我媽同妹），屋企長期都有唔同顏色嘅布料
每次一定完個主題就會搵返主色嘅布料嚟裝飾
今次主色係白色同藍色（係我呢排攪嘅第3個白色藍色party呢！）
紙球係我用買野充塞喺鞋嘅tissue paper嚟整
名係我用ipad 執咗啲字再喺print出嚟
雪花係喺深水埗買（約＄5）
即係成個佈置，我只係用咗5蚊lol
（至於喺再下面幅圖見到嘅cupcake stand係我幾年前以＄32買，好抵用！）
不得不提係呢杯加料雪碧！
我特意用透明杯
喺雪支雪碧到加咗幾滴藍色食用色素
我又喺夾糖鋪夾咗啲藍白色海豚（鯊魚？！）
喺party前一雪咗啲冰，每粒冰內都加咗一粒糖
哈哈！咁就整到好似有條魚喺到游咁啦！
我仲同小朋友一齊整咗髮夾
呢個真係好花時間準備㗎
話說喺年半前未有frozen嘅時候
影曦前要一個winter party
當時我就準備咗呢啲野同小朋友整，但係最終係無時間整，所以放咗喺到年半
而加可以再攞出嚟用啦！
我用輕黏土同雪花模整出下圖呢啲雪花，待乾（整咗成晚！）
買咗卷lace紥成唔同嘅蝴碟結（又整咗一晚！）
買咗鱷魚夾同珍珠
畀小朋友自己配，我幫佢地黐好
另外我仲pack好咗一包包珠仔畀小朋友串，我喺深水埗特別買夜光珠㗎！
家中活動花費：
face paint:我已有
皇冠：之前淘咗鐵頭箍，約＄2個，彩麗皮＄14，寶石（我已有）
髮夾：輕黏土（板嚟㗎，唔洗錢），lace＄15，髮夾，約＄1個
珠仔：＄10
即大約用咗＄70
***
今次生日會我先請咗小朋友嚟屋企整以上嘅野同切蛋糕先~!之後去打保齡
理想地，係想打咗保齡先，但個場畀人book咗先~
唔緊要，照去~
見到小朋友畫咗面同整咗皇冠嗎？
我將小朋友分開兩組作賽
蠃咗嘅可以每人喺我禮物袋揀兩份禮物
輸咗嘅都可以每人揀一份㗎
禮物袋係咩嚟㗎？
係我將一向3A成日收到，但又唔覺唔見咗嘅小禮物放入去
有時買野送嘅贈品（如買牙膏送化妝袋）、PR公司畀嘅贈品放晒入去
以前我會整party bag,專登買小禮物放入去
但去多咗呢啲生日會，就會覺得有啲小禮物有少少多餘（SORRY！）
我咁樣送小禮物出去，小朋友可以自己揀自己鍾意嘅野！
呢個生日會共花費：＄535！
小朋友們同家長們都好鍾意我按排嘅活動呢！！！
