【熊仔多餡三文治】

Summer真係好多小朋友party~~

派對食物當然可以有好多元化
但傳統的「三文治」又點少得呢？
既飽肚之餘，
餡料又可以有好多變化，
小朋友拎住一邊食一邊玩又唔會點整污糟
一舉幾得！

今次我就上網淘咗個好抵的「麵包造型壓盒」，
好輕易就將平時普通到不行鳥的三文治
搖身一變，變成好得意的熊仔！
Party的小食中，佢的做型十分搶眼～～～
所以我成日都話，小朋友生日派對中的小食
唔一定係唔健康的薯片糖果汽水先吸引嘅 ^U^

熊仔三文治的麵包
我就用咗白包同麥包，如果大家見到有多穀包都可以咖，仲多啲食用纖維，顏色又豐富啲添～

至於餡料，
以下配搭（創新同傳統idea都有^_^）都唔錯㗎，大家可以參考下 －>
果醬+蘋果粒／白烚雞肉粒+沙律醬或千島醬／果醬+杏仁或開心果仁／低脂忌廉芝士+紅莓乾或提子乾／
車厘茄+沙律菜+日式芝麻醬／BB芝士+沙律菜+火腿／吞拿魚+粟米粒+青豆粒+蛋黃醬+已炒白芝麻／
大豆醬或花生醬+雜果乾／花生醬+果醬／黑芝麻醬+煎豆乾切粒