3姊弟深入淺出學中文
細佬 Par Par 讀緊國際學校 K1，較多接觸英語，為咗令佢嘅中文能夠不斷進步，所以由今個學年開始，同 Keicy、Kassy 兩位姐姐一齊去咗早慧兒童教育中心學中文。
呢間係天主教教育機構，所以課程除咗訓練小朋友聽、講、讀、寫四方面嘅語文能力，有時仲會透過短篇宗教故事，教導小朋友要有良好嘅品德，好似而家臨近聖誕節，上堂教嘅課文會講返呢個節日嘅由來同意義，又或者以其他聖經故事為主題，教導學生樂於助人、兄弟姊妹要相親相愛等等嘅道理，等小朋友可以一邊學中文，一邊學做乖孩子。
細佬妹有咩唔識，家姐 Keicy 主動幫手解答，真係好乖！
點解揀早慧兒童教育中心
無論揀學校定揀興趣班，我都一定會先了解教學理念，而早慧兒童教育中心嘅教學理念，係有熱誠同符合潮流，佢哋以全語文理念貫串課程、教材及教學法，全面促進學生嘅認知發展、語言發展同人格發展：
- 通過系統性同整合性嘅課程，幫助小朋友循序漸進，打好聽講讀寫嘅語文基礎；
- 通過跨媒體同多元化嘅教材，提高小朋友學習中文嘅興趣；
- 通過聽讀同講寫結合嘅教學法，增強小朋友說話寫作嘅表達能力。
接放學係喺呢度，小朋友要排好隊，見到家長，先可以走，好安全！
各級多元化讀寫教材
唔同年紀嘅小朋友，會用唔同內容及形式嘅閱讀教材。
- 教材內容：
選取唔同類型嘅故事，藉全語文理念令小朋友認識及掌握文字，建立閲讀及理解能力。老師仲會引導小朋友觀察圖畫同思考問題，判斷及分析文章內容，從而了解唔同嘅故事主題，培養正面嘅價值觀。
- 教材形式：
由於就讀幼稚園嘅小朋友專注力比較弱，所以教材係以動畫故事為主。喺睇動畫嘅過程當中，老師會將畫面聯繫到文字，從而令小朋友掌握文字嘅形、音、義，同時培養學習語文嘅興趣。
小學教材就以電子簡報為主，配合廣播劇同電影等，令小朋友透過生動嘅影音媒體認識詞匯、成語、諺語嘅意義，以及故事嘅敘述技巧。
至於各級嘅寫作教材，都係按照小朋友嘅程度嚟設計。幼稚園教材以建立書寫能力基礎為主：先提供書寫方法嘅練習，小朋友就會掌握正確嘅筆劃、筆順同字形結構；再通過學校出版嘅看圖寫作教材，令小朋友學識運用句式寫作。
小學教材就以文章創作為主，提供多元化嘅思維同寫作練習，培養學生嘅構思同組織能力，能夠運用文字表達出嚟。
智叻星上榜制度
為咗鼓勵小朋友投入學習，並同各分校同學分享，學校特設咗智叻星上榜制度。喺每個單元評估攞到最高分，就會喺各校智叻星榜上有名，表揚小朋友努力學習，連續三次上榜，更會有証書，嘉許積極學習，鼓勵其他同學向呢個目標比心機學習。
校本課程及評估
為咗配合小朋友嘅學習進度，學校會製作適當教材，先由課程部制定聽講讀寫四方面嘅教學目標同內容，再由教材部設計每個單元嘅練習；每個單元結束嘅時候，評估部會選取部分習作內容編製評估卷，掌握小朋友嘅學習情況，再修訂課程同教材。
每週作文龍虎榜
小學各級設有每週作文龍虎榜，鼓勵小朋友用心寫作。小朋友完成文章後，老師會按照同學嘅寫作表現畀貼紙，仲會貼堂表揚同鼓勵，登上課室壁報欄嘅作文龍虎榜。小朋友儲齊十五張貼紙，就可以玩扭蛋機，獲得小禮物一份。
上堂叻叻豬，表現好，放學後有貼紙奬勵，仲可以玩扭蛋禮物！
上咗一段時間後……
三姊弟都好鍾意嚟呢度上堂，無論上堂抑或做練習都幾有趣，唔會沉悶，可以活學活用，上完堂聽完故事，好容易運用返出嚟，例如細佬就講多咗中文，進步咗唔少！
FB: KeicyKK
