【親子餐廳】$68 任食自助放題 大玩餐廳內的Playground

今次就去左上水的 親子餐廳 自助燒 SO GRILL, 我地只係當天早上打電話去book 7大7B都有位, 可能新年比較小人. 大家都四出去親戚屋企拜年. Book位時我地有特別提到想比BBs玩Playground遊戲室, 店員當時就話盡量安排, 如果無人就可以任你玩.

去到之後店員好好咁安排我地正正坐係遊戲室出面張檯, 方便我地照顧小人. 其實呢間餐廳好岩帶小B去的, 起碼有Highchair, 又有獨立嘅遊戲室比BBs玩, 唔怕BB嘈到人, 可以自成一角, 親子餐廳對我地帶住小人的父母絕對係天大喜訊呀!

我地當日下午2點多去到, 之後就開始計時食60 mins, 其實就算過了時間店員亦沒有cut我地唔比我地再出去拎野食, 可能知道我地帶住BB係無啖好食. 我地差唔多食到4點last call都仲可以出去拎野食.

呢間SO GRILL, 如果你只係門口睇根本唔會知佢其實係一家親子餐廳. 餐廳都幾大下, 而且亦有好多位.

玩樂area就係餐廳的最入, 獨立一個遊戲室比小朋友玩下, 打發時間.

遊戲室係open area, 我地坐係附近可以望到BB, 而小人亦可以見到我地比較放心.

不過唔好將呢度的Playground同台灣的比, 佢無水池亦無沙坑. 相信大家都明香港地的租金有幾貴. 再者玩具都係一般普通玩具, 唔係太特別. 但係對小朋友黎講已經係好好, 佢地都玩得好開心…….咁就已經足夠啦~

呢個遊戲室真係有好多不同type嘅玩具車, 仲有d積木, 可能因為咁孖寶都好喜歡啦……小男生都喜歡車車!

而同場的女小B, 就喜歡係呢閱讀區睇書……女仔真係乖好多呀……哈哈!

起碼呢間親子餐廳可以比孖寶玩得盡興, 欣賞這一個小小嘅空間令小人們可以玩得開心, 家長又可以慢慢咁食野, 傾下計!

我地今次同包場真係無咩分別, 只係有另外2位小朋友一齊玩! 而餐廳的空間都好大, 我諗大家如果時間許可亦可以好似我地今次around 2pm左右去到, 直頭可以玩到4點呀,避開lunch hour最peak嘅時間去.再者餐廳無話真係限住你60 mins就要即走. 因為無其他客人餐廳好好, 係唔會趕你走架!

我地就唔知道餐幾耐會清潔呢個playground同入面的玩具一次啦. 反正我地玩完自己都要幫小朋友消毒下啦~記住呀!

最後先講食物呢,因為我真係唔係食得好多. 可能因為大家之前去拜年都食咗好多野, 今次主要係想聚一聚. 我地今次係食HK$68任食加一的set, 當日初三就加咗小小$78+10%. 不過都真心抵……咁多個小人由2點玩到4點, 個個小朋友都玩得開心, 走來走去, 玩到唔願走呢!

呢個價就係只可以任食熱薰, dessert, 飲品等. 其實都好多choice就睇你自己岩唔岩食啦~不過當然味道就真係好一般啦, 但係對我地媽咪來講都已經係喜訊, 因為平時如果唔係有呢個遊戲室比BBs們玩下, 孖媽我真係分分鐘食都無得食呢~

要留意呀, 呢d Sashimi, 同烤肉我地今次呢個$68 set就無得食. 其實佢地本身主力係做燒烤放題的, 以下不同時段的收費比大家參考呀!

仲有可以飲品升級放題, 價格親民!

而且仲提供free的充電服務比你呀, 可能知你地同小B影好多靚相, 用哂D電呢….很貼心!

呢個dessert area好吸睛, Caydan Ramsey見到都係咁話bear bear呀!

下次又再去過, 試下d烤肉會唔會好味好多先. 因為孖寶真係好鍾意玩, 有咁多車車呀!

我和孖寶的Facebook Page:荔枝與孖寶

我和孖寶的 Instagram IG#:laichimama

If there is any question or you looking for me and the boys, please feel free to contact LaiChiMaMa via Email:[email protected]