Happy Meal, Funny Feel

香港主題餐廳多的是, 唯獨親子餐廳, 確實寥寥可數, 幾經時日, 終於book了一間, 因為實在太太太full。

甫進店內, 便看到以海洋為主題的長形遊樂平台, 平台上放滿玩具, 有藏寶箱、海盜船、以及各種海洋生物小玩意….

說時遲那時快, 小B一除掉鞋, 便帶著閃亮的雙眸飛奔過去。

放低廿幾磅, 媽媽即時鬆一鬆, 小朋友有小朋友在平台玩, 媽媽們有媽媽們坐在平台座墊上談談天, 說說地, 交流湊仔經, 可謂輕輕鬆鬆過鄧梓峰。

期間, 小B不時拿著玩具興奮的走過來, 又不時倚著我撒撒嬌, 口渴時過來喝啖水, 肚餓時吃點小食, 飲飽食夠轉個身又可以繼續玩, 不得不說, 這個平台與餐桌相連的設計也太窩心了吧!

講到食物, 與一般中高價的西餐廳無異, 但兒童餐絕對出色, 出色之處並非只是味道與品質, 而是兒童餐牌之設計與用心, 製作成小書本的餐牌, 想吃什麼, 便撕下印有食物圖案的貼紙貼上去, 有得食又有得玩, 小B愛新鮮, 新奇大過天。隨書還附有顏色筆, 用來填玩內頁多個小遊戲, 可惜小B年紀太小, 暫時不適用, 但小書本可帶走, 兩年後再拿出來, 小B又多一本玩物了!

話說回來, 雖然此餐廳優點多的是, 但亦並非零缺點。

第一, 作為西餐廳, 於客人入座前擺好餐刀餐叉是正常不過, 但作為親子餐廳, 而且平台與座位相連, 預先擺好餐具反而變成意外的源頭, 其實可仿傚某些餐廳將餐具放入籐籃, 到真正用餐時才拿出。

第二, 平台是完全開放式, 3歲以下小朋友容易跌出平台, 如果加設小圍欄, 相信會安全得多。

第三, 親子餐廳設有育嬰室是預期中事, 但育嬰室設備頗為簡化, 感覺像在雜物房騰出一角放置換片架與洗手盆。

以親子為主題, 要做到盡善盡美不容易, 你有創意, 又有心思, 就會有生意, 但吸睛之餘, 安全問題尤為重要, 確實不容忽視。

環境: ★★★★

味道: ★★★★

服務: ★★★★

抵食: ★★★

安全: ★★