食品級成分 兒童潤唇膏 用得安心媽咪更放心@Parent婷
踏入乾燥季節，嘴唇零舍乾燥，小朋友嘴仔都唔例外。想幫佢哋搽潤唇膏又擔心佢哋會吞咗部份潤唇膏入肚，所以唔知揀邊隻潤唇膏俾小朋友用好。Parent婷最近搵到支適合小朋友用嘅 兒童潤唇膏 ，用食品級成分製造，令媽咪放心俾家中囝囝囡囡用，時刻呵護嘴仔！
（Presented By Mentholatum Lipice kids）
無添加配方 更適合小朋友使用
新升級什果冰小小潤唇膏除咗用食品級成分外，更無添加色素、香料、防腐劑、礦物油、樟腦，更通過過敏測試，無刺激性，令小朋友用得更安全健康。因為長期吸收呢啲人造成分，可能對小朋友發育有所影響。再講，對於有蠶豆症嘅兒童，樟腦更會危害性命，所以身為媽咪一定要識得買支適合小朋友用嘅潤唇膏呀！
專為小朋友而設 食品級 兒童潤唇膏
另外，呢支新升級曼秀雷敦什果冰小小潤唇膏，唔同一般潤唇膏，佢嘅配方好簡單只有11種成分，減少小嘴負擔。用咗多種食品級成分，包括︰蜂蠟、葡萄籽油、澳洲堅果油、乳木果油、燕麥油等，夠晒滋潤小朋友雙唇，紓緩因冬天乾燥而引致嘅不適。成分咁安全，媽咪自然放心俾小朋友日日用啦！始終係小朋友用，潤唇膏配方不宜太複雜。
曼秀雷敦什果冰小小潤唇膏唔單止實用又抵用，最得囝囝囡囡心嘅係，全個系列仲係以Disney Mickey Mouse及Minnie Mouse 設計，包裝勁Cute，令到佢哋愛不釋手，仲唔使提醒就識得自動自覺塗潤唇膏添，真係減輕媽咪嘅負擔呀！呢支小朋友用嘅潤唇膏非常高CP值，一定要買返支俾小朋友用啦！
