pokemon熱潮
廣告
呢個幾禮拜潮興起玩pokemon go，但其實上個禮拜我喺日本東京嘅時候，已經見到Pokemon 嘅威力，東京市內好多大型商場都有超大間pokemon 商店，就係我哋住嘅池袋sunshine city 入邊嘅商場就有一間，嗰度除咗門口有一隻好大隻嘅display 比卡超公仔之外，有一條好長好長嘅人龍等比錢，鍾情迪士尼公主嘅我同埋囡囡Jasmine雙眼冇發青光，喺鋪內?咗一個圈就走左啦！
過咗兩日去咗sky tree嘅商場，又見到一間好大間嘅pokemon 商店，而上次幫襯過嘅卡樂B餐廳就唔見左啦。
講到東京吸引我哋之處，一定要提及日本迪士尼同埋市內不同大細嘅迪士尼商店。呢度嘅迪士尼商店同歐洲嘅唔同，所以即使我哋每年返英國會買歐洲款式嘅迪士尼貨品，以係日本商店就買到日本特別版！Jasmine 入到去真係揀到唔停手，每次都滿載而歸，但係由於我哋之後會去日本Disney Sea 玩，所以都忍手買少啲等去Disney Sea 先再瘋狂shopping啦！
